完整藏文原文 · 德格版页 当前仅加载第 82 函德格 302b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོགས་སུ་བརྟགས་པ་ཡིས། །རིམ་གྱིས་གཟུགས་ནི་རྫོགས་བྱེད་པ། །དེ་ནི་བསྐྱེད་པར་བརྗོད་པ་སྟེ། །རྣལ་འབྱོར་ཆོ་ག་ཡིན་པར་གསུངས། །དེ་ནས་གསང་བའི་དངོས་བསྡུས་པའི། །ཡེ་ཤེས་བསམ་གཏན་གཉིས་ཀྱིས་ནི། །བདག་དང་བདག་
D453.082.0302b01.01གིར་འཛིན་པ་ཡི། །དངོས་པོ་སྲེག་བྱེད་ཡེ་ཤེས་མེད། །བསམ་གཏན་གཉིས་པོས་གཅིག་ཏུ་ཡང་། །སྟོང་ཉིད་ངང་དུ་གནས་བྱེད་པའོ། །རིལ་པོར་འཛིན་པའི་ཏིང་འཛིན་གྱིས། །གཟུང་བའི་རྟོག་པ་སྤོང་བྱེད་ཅིང་། །ཤེས་རབ་ཟབ་མོའི་ངོ་བོ་ཉིད། །
D453.082.0302b02.01དེ་ཉིད་བསྡུ་བའི་ཚུལ་གྱིས་ནི། །སྒྱུ་མའི་ལུས་ཀྱི་སྣང་བ་ཉིད། །དངོས་པོའི་ཆོས་ཉིད་སྟོང་ཉིད་འཇུག །རྗེས་སུ་གཞིག་པས་ཏིང་ངེ་འཛིན། །འཛིན་པའི་རྟོག་པ་འཇོམས་བྱེད་པ། །ཐབས་ཉིད་རྒྱ་ཆེའི་རང་བཞིན་ཅན། །དེ་ཉིད་སྤྲོས་པའི་ཚུལ་བསྟན་པས། །
D453.082.0302b03.01སྟོང་ཉིད་གཅིག་ཏུ་གནས་པ་ནི། །ཀུན་ཁྱབ་ཡེ་ཤེས་མཁའ་མཉམ་འགྲོ། །སྟོང་ཉིད་ཡེ་ཤེས་ཆེན་པོའི་མེས། །རང་བཞིན་རྟོག་པའི་གནས་ངན་ལེན། །མངོན་རྒྱུ་བག་ཆགས་བཅས་པ་ཡི། །རང་བཞིན་བརྒྱ་དང་དྲུག་ཅུ་དང་། །ཐོག་མཐའ་མེད་པའི་བྱང་
D453.082.0302b04.01ཆུབ་སེམས། །རང་འབྱུང་ལྷན་ཅིག་སྐྱེས་པའི་ངང་། །དངོས་དང་དངོས་མིན་རྟོག་པའི་ཚོགས། །སྣང་བ་ཙམ་དུ་འཛིན་མེད་པར། །སྟོང་ཉིད་འོད་གསལ་ནམ་མཁའ་ལ། །དབྱིངས་དང་ཡེ་ཤེས་དབྱེར་མེད་པས། །བདེ་བར་གཤེགས་པའི་ངང་དུ་འགྲོ། །དེ་
D453.082.0302b05.01ཉིད་ཀུན་ཁྱབ་ཀུན་གྱི་གནས། །བརྗོད་དུ་མེད་པའི་ཆོས་ཀྱི་སྐུ། །ཐམས་ཅད་འོད་གསལ་མངོན་བྱང་ཆུབ། །དེ་ལྟར་མ་རྟོགས་མ་རིག་པས། །སྒྱུ་མ་ལྟ་བུའི་ཏིང་ངེ་འཛིན། །དེ་དག་རབ་ཏུ་མི་ཤེས་ཤིང་། །ཐོག་མེད་དུས་ཀྱི་ཉོན་མོངས་ཀྱི། །བག་ཆགས་
D453.082.0302b06.01རབ་ཏུ་བསགས་བྱེད་པ། །དེ་དག་སྔོན་གྱི་ལས་ཀྱིས་ནི། །སྐྱེ་དང་འཆི་བར་ཡང་དག་འབྱུང་། །རིག་པ་འོད་གསལ་དབྱིངས་གནས་ཀྱང་། །འགྱུ་བྱེད་རླུང་ལས་མ་རིག་བྱུང་། །དེ་ལས་སྣང་བ་དང་པོ་དང་། །མཆེད་པ་དག་དང་ཐོག་པ་དག །ལུགས་སུ་
D453.082.0302b07.01