完整藏文原文 · 德格版页 当前仅加载第 82 函德格 219a 版页；藏文 NFD、目录标记与异常页序保留在来源切片中，重复版页行以稳定序号区分。
མ་ལུས་པ་ཡང་ཚེ་འདི་ཉིད་དང་ཡོངས་སུ་རྫོགས་ཤིང་ཀུན་དུ་སྤྱད་པས་སྤྱོད་པར་བྱེད་ན་འཇིག་རྟེན་དང་འཇིག་རྟེན་ལས་འདས་པའི་ཡོན་ཏན་དང་ཡེ་ཤེས་གཞན་དག་ལྟ་སྨོས་ཀྱང་ཅི་དགོས། །དེ་ལ་འཇིག་རྟེན་པའི་ལྷ་ཐམས་ཅད་ཀྱིས་སྲུང་བར་བྱེད། །འཇིག་རྟེན་
D453.082.0219a01.01ལས་འདས་པའི་ལྷ་ཐམས་ཅད་ཀྱིས་ཀྱང་སྲུང་ཞིང་སྐྱོབ་བ་དང་སྦ་བ་དང་ཡོངས་སུ་སྲུང་བར་བྱེད་དོ། །གསང་བའི་རྒྱུད་འདི་གང་གིས་འཛིན་པ་དང་། འཆང་བ་དང་། ཀློག་པ་དང་། ཉན་པ་དང་། ཕན་ཚུན་འདྲེ་བར་བྱེད་པ་དང་། སེམས་པ་ན་ལྷ་དང་། ཀླུ་དང་། གཟའ་
D453.082.0219a02.01དང་། རྒྱུ་སྐར་ཐམས་ཅད་ཀྱི་གདོན་གྱིས་ཀྱང་བར་ཆད་མི་བྱེད་དོ། བསྲུང་ཞིང་ཡོངས་སུ་མཆོད་པར་བྱེད་དོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་གསང་བ་འདུས་པ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་པའི་
D453.082.0219a03.01རྒྱུད་ལས་སྲུང་བ་ཡོངས་སུ་དག་པ་དང་བར་ཆད་མེད་པའི་དོན་བསྟན་པའི་ལེའུ་སྟེ་བཞི་བཅུ་བརྒྱད་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཡུལ་འཁོར་ཏོག་སངས་རྒྱས་ཐམས་ཅད་ཀྱི་རྒྱལ་པོ་ཆེན་པོ་བཞིའི་རིས་ཀྱི་གདོན་རྣམ་པར་དག་པ་རྡོ་རྗེའི་
D453.082.0219a04.01ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །འཕགས་པ་རྣམས་ཀྱི་ཡེ་ཤེས་གང་། །ཕྱིན་ཅི་ལོག་དང་རྣམ་བྲལ་བ། །དེ་ཉིད་སྐྱེ་འགག་བྲལ་བ་ལ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་པདྨའི་
D453.082.0219a05.01སྙིང་པོ་སངས་རྒྱས་ཐམས་ཅད་ཀྱི་ཀླུ་ཆེན་པོ་བརྒྱད་དག་པ་རྡོ་རྗེའི་སངས་རྒྱས་ཐམས་ཅད་ཀྱི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །འཇིག་རྟེན་འདས་པའི་ཡེ་ཤེས་ནི། །གསང་བ་མཆོག་གི་དོན་གནས་པ། །དམིགས་པ་ལས་འདས་བྱང་ཆུབ་
D453.082.0219a06.01སེམས། །དེ་ཉིད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་གཟི་བརྗིད་དག་པ་ལྷ་ཆེན་པོ་བརྒྱད་དག་པའི་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གཟུང་འཛིན་བཏགས་པའི་དབང་གིས་ནི། །མཐར་
D453.082.0219a07.01