完整藏文原文 · 德格版页 当前仅加载第 82 函德格 268a 版页；藏文 NFD、目录标记与异常页序保留在来源切片中，重复版页行以稳定序号区分。
སྣང་བར་མཛད་པ་སངས་རྒྱས་ཐམས་ཅད་ཀྱི་གསུང་གི་གསང་བ་བསམ་གྱིས་མི་ཁྱབ་པ་མི་ཟད་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སྒྲིབ་པ་བཀོད་པ་ཚད་མེད་པས། །དབྱངས་སྒྲ་དུ་མ་བརྗོད་མེད་པས། །
D453.082.0268a01.01མི་ཟད་ཐོག་མཐའ་རབ་ཞི་བ། །གསུང་གི་རྡོ་རྗེའི་ཚུལ་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཆོས་ཀྱི་སེམས་པ་སངས་རྒྱས་ཐམས་ཅད་ཀྱི་རྣམ་པར་རྒྱལ་བ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གསང་
D453.082.0268a02.01བ་འཛིན་པ་མ་ལུས་པའི། །དབང་བསྐུར་མངོན་ཐོབ་རྡོ་རྗེ་ཅན། །མི་ཕྱེད་མི་ཟད་སྟོབས་གྱུར་པ། །བྱང་ཆུབ་སེམས་འདི་བསྟན་པ་ཡིན། །ཞེས་གསུངས་སོ། །དེ་ནས་དེ་བཞིན་གཤེགས་པ་ཆོས་ཀྱི་བློ་གྲོས་སངས་རྒྱས་ཐམས་ཅད་ཀྱི་ཆོས་ཀྱི་འཁོར་ལོ་ཡང་དག་པར་
D453.082.0268a03.01བསྐུལ་བ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སངས་རྒྱས་བསྟན་པའི་དོན་བསྐུལ་བ། །ཚངས་པའི་གནས་ཀྱིས་ཁྱད་པར་དུ། །བསྐུལ་བ་ཚད་མེད་བྱང་ཆུབ་སེམས། །དེ་ཉིད་ཡང་དག་བསྟན་པ་ཡིན། །ཞེས་གསུངས་
D453.082.0268a04.01སོ། །དེ་ལྟར་དེ་ལ་མཚུངས་མེད་ལྷ་དང་མིས་མཆོད་པ། །ཡེ་ཤེས་ཕུང་པོ་རྣམ་མང་ཉེ་བར་སྒྲུབ་པར་མཛད། །རྒྱལ་བའི་ཆོས་སྒྲུབ་ཕ་རོལ་མཐའ་ཡས་བཞུགས་མཛད་པ། །དེ་ལ་སྔོན་གྱི་བྱང་ཆུབ་སྤྱོད་པ་ཆར་མི་འགྲོ། །ཁྱུ་མཆོག་རྣམས་ཀྱིས་ཡེ་ཤེས་ས་མཆོག་
D453.082.0268a05.01འདི་ཐོབ་ནས། །ཕྱོགས་བཅུ་ཀུན་དུ་སྐད་ཅིག་གཅིག་གིས་རྒྱས་འགེངས་པ། །ཡེ་ཤེས་ཞུགས་དང་ལྡན་ཞིང་མངོན་ཤེས་མཆོག་ཐོབ་པས། །རྒྱ་མཚོ་ཆེར་ཕྱིན་གྲུ་ཆེན་རླུང་གིས་བསྐྱོད་པ་བཞིན། ཆེད་དུ་བསྐྱོད་སེམས་བྲལ་ཞིང་ཡེ་ཤེས་ཕྲིན་ལས་གནས། །
D453.082.0268a06.01ཞིང་ཁམས་ཀུན་དུ་གནས་པ་རྣམ་པར་སྤྱོད་པར་བྱེད། །ཁམས་རྣམས་བཞི་པོ་ཁ་དོག་ཐ་དད་ཡངས་པ་དང་། །ཕྲ་ཞིང་ཆེ་དང་རྣམ་པར་ཕྱེ་བ་ཡང་དག་འཇུག །སྟོང་གསུམ་ཤིན་ཏུ་ཕྲ་བ་ཀུན་ལ་འཇུག་བྱེད་དེ། །ཁམས་བཞི་འགྲོ་བའི་ལུས་ཀུན་རྣམ་པར་ཕྱེ་བ་དང་། །རྒྱུད་
D453.082.0268a07.01