完整藏文原文 · 德格版页 当前仅加载第 82 函德格 161b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཚེ་དཔག་ཏུ་མེད་པ་རྡོ་རྗེ་སངས་རྒྱས་ཐམས་ཅད་ཀྱི་ཁྱུ་མཆོག་རྡོ་རྗེའི་རྩལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །སྲིད་དང་ཞི་བར་མི་གནས་པ། །རྡོ་རྗེ་གསུམ་མཆོག་དམ་པའི་དབྱིངས། །སྐུ་གསུམ་ལམ་གྱི་ཡེ་ཤེས་
D453.082.0161b01.01བཅས། །ས་གསུམ་དག་པའི་དབང་ཕྱུག་ཐོབ། །ཅེས་གསུངས་སོ། །དེ་ནས་དེ་བཞིན་གཤེགས་པ་ནོར་བུ་བཀོད་པའི་དཔལ་སངས་རྒྱས་ཐམས་ཅད་ཀྱི་རིན་པོ་ཆེ་སྣ་ཚོགས་པའི་མདངས་བཀོད་པ། རྡོ་རྗེ་སངས་རྒྱས་ཐམས་ཅད་ཀྱི་སྙིང་པོ་ཞེས་བྱ་བའི་ཏིང་ངེ་འཛིན་ལ་སྙོམས་
D453.082.0161b02.01པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །རྗེས་སུ་དྲན་པའི་གནས་ནི་མཐོང་བའི་ལམ། །ཡེ་ཤེས་སྐད་ཅིག་དགའ་བ་བཅུ་དྲུག་ལས། །ཕྱི་ནང་གནས་པས་འོད་གསལ་དོན་རྟོགས་པ། །སྟོང་ཉིད་རང་འབྱུང་རྣམ་དག་ཚུལ་བསྟན་པའོ། །ཞེས་གསུངས་
D453.082.0161b03.01སོ། །དེ་ནས་དེ་བཞིན་གཤེགས་པ་དབང་ཆེན་སེང་གེའི་ང་རོ་སངས་རྒྱས་ཐམས་ཅད་ཀྱི་མཆོད་པའི་རྒྱ་མཚོ་མཆོད་པའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །སྣ་ཚོགས་སྣང་བ་དུ་མར་འཆར་བ་ཉིད། །ཡུལ་ནི་སྒྱུ་མ་དངོས་པོ་
D453.082.0161b04.01གདོད་ནས་དག །དག་པའི་ངོ་བོ་ཆོས་དབྱིངས་ནམ་མཁའ་ཆེ། །སེམས་སྣང་རོལ་པ་གསང་བ་འདིར་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཡོན་ཏན་འབྱུང་གནས་སངས་རྒྱས་ཐམས་ཅད་ཀྱི་གསང་བ་རྨད་དུ་བྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་
D453.082.0161b05.01སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །མ་བཙལ་མ་སྤངས་ངང་གིས་དག་པའི་སྐུ། །རྙེད་པར་མི་འགྱུར་རབ་འབྱམ་བདེ་བ་ཆེ། །བགྲོད་པ་གཅིག་པའི་ལམ་ནི་ལྷུན་གྲུབ་པ། །བྱང་ཆུབ་སེམས་ཆེན་གསང་བ་ཐེག་པའི་མཆོག །ཅེས་གསུངས་
D453.082.0161b06.01སོ། །དེ་ནས་དེ་བཞིན་གཤེགས་པ་ལྷུན་པོ་གྲགས་སངས་རྒྱས་ཐམས་ཅད་ཀྱི་གསང་བ་མཚན་རབ་འབར་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །བདེ་བར་གཤེགས་པའི་མཚན་དང་དཔེ་བྱད་རྣམས། །
D453.082.0161b07.01