完整藏文原文 · 德格版页 当前仅加载第 82 函德格 282a 版页；藏文 NFD、目录标记与异常页序保留在来源切片中，重复版页行以稳定序号区分。
དམིགས་ལྡན་ཞིང་། །ཚད་མེད་བློ་བསྐྱེད་བསླབ་པར་བྱ། །གསང་བར་ཡེ་ཤེས་རྡོ་རྗེར་བསླབ། །སྐུ་དང་གསུང་དང་ཐུགས་དང་ནི། །ཡེ་ཤེས་ཡོན་ཏན་ཕྲིན་ལས་ཀྱི། །བྱིན་གྱིས་བརླབ་པ་ལྔ་བྱ་སྟེ། །རྡོ་རྗེ་འཁོར་ལོ་པདྨ་དང་། །རིན་ཆེན་རལ་གྲིའི་སྤྲོ་བསྡུ་དང་། །
D453.082.0282a01.01རིགས་ལྔ་ལྷ་མོ་ལྔར་བཅས་ལས། །གསང་བའི་དཀྱིལ་འཁོར་ཆེན་པོ་འདིར། །མ་ལུས་འདུས་པའི་ལྷ་ཚོགས་ཀུན། །ཡེ་ཤེས་ཆེན་པོའི་བྱིན་བརླབས་ཀྱིས། །དངོས་གྲུབ་སྐལ་བ་འབབ་པར་མཛོད། །རྟགས་དང་བརྡ་དང་མཚན་མ་ཀུན། །རྣམ་པ་ཡོངས་སུ་ཤེས་པར་བྱ། །ཞི་
D453.082.0282a02.01བའམ་ནི་རྒྱས་པ་ཡི། །སྦྱིན་སྲེག་ཉེ་བར་དབུལ་བར་བྱ། །ཐུན་མོང་དང་ནི་ཁྱད་པར་གྱི། །ཕྱག་བྱ་སློབ་མ་མདུན་གནས་ཏེ། །ལྷ་སྲས་ཉིད་དུ་བསྐྱེད་བྱ་སྟེ། །ཤར་ནས་འཇུག་པའི་ཚུལ་གྱིས་ནི། །མེ་ཏོག་ཕྲེང་བ་དང་པོར་སྦྱིན། །མཎྜལ་མེ་ཏོག་སྔོན་འགྲོ་བས། །མདུན་
D453.082.0282a03.01གནས་དེ་ལ་དབང་བསྐུར་སྦྱིན། །བྱང་ཆུབ་རྡོ་རྗེ་སངས་རྒྱས་ལ། །ཇི་ལྟར་ཆེ་བའི་བྱིན་བརླབས་པ། །བདག་ཅག་བསྐྱབ་པའི་དོན་གྱི་ཕྱིར། །གསང་བའི་སྙིང་པོ་དེང་བདག་གསོལ། །ལན་གསུམ་བར་དུ་གསོལ་བ་གདབ། །བླ་མེད་དབང་ནི་བསྐུར་མཛད་དེ། །རྡོ་རྗེ་གསང་
D453.082.0282a04.01ཆེན་དབང་བསྐུར་བ། །ཁམས་གསུམ་ཀུན་གྱིས་ཕྱག་བྱས་པ། །གནས་ལས་བྱུང་བ་སྦྱིན་པར་བྱ། །དེ་ནས་གང་དུ་རྡོ་རྗེ་དཔལ་མཆོག་ཆེན་པོ་འདུས་པ་གསང་བའི་དཀྱིལ་འཁོར་ཆེན་པོར་དབང་ཡང་དག་པར་བསྐུར་བར་བྱ་སྟེ། དེ་བཞིན་གཤེགས་པ་སྟོང་མངོན་པར་འབྱུང་བ་
D453.082.0282a05.01དེ་དག་ཀྱང་ཡེ་ཤེས་ཀྱི་སྣང་བ་ལས་ཡང་དག་པར་འབྱུང་བའི་རྡོ་རྗེ་རིན་པོ་ཆེའི་སྡོང་པོ་དུ་མ་ལས་སྣ་ཚོགས་པའི་པདྨ་འབར་བ་དུ་མས་རྒྱས་པ་ཁ་ཕྱེ་བ་ལ་སེང་གེའི་ཁྲི་དང་བཅས་པ་གསང་བ་འཛིན་པ་པོ་དང་། ལྷ་ཚངས་པ་ཡང་རེ་རེ་ཞིང་དུ་གནས་པ་ལས་འདི་ལྟ་སྟེ། རྡོ་རྗེའི་རིགས་ཉིས་
D453.082.0282a06.01བརྒྱ་ཕྲག་གཅིག་དང་། རིན་པོ་ཆེའི་རིགས་ཉིད་བརྒྱ་ཕྲག་གཅིག་དང་། པདྨའི་རིགས་ཉིས་བརྒྱ་ཕྲག་གཅིག་དང་། ལས་ཀྱི་རིགས་ཉིས་བརྒྱ་ཕྲག་གཅིག་དང་། དེ་བཞིན་གཤེགས་པའི་རིགས་ཉིས་བརྒྱ་ཕྲག་གཅིག་སྟེ། འདི་རྣམས་དེ་བཞིན་གཤེགས་པ་རེ་རེའི་སྐུའི་བ་
D453.082.0282a07.01