完整藏文原文 · 德格版页 当前仅加载第 82 函德格 152a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་གསུངས་སོ། །དེ་ནས་དེ་བཞིན་གཤེགས་པ་ཀུན་ཏུ་འོད་མི་ཟད་པའི་རིན་ཆེན་སངས་རྒྱས་ཐམས་ཅད་ཀྱིས་འགྲོ་བའི་མིག་རྣམ་པར་སྦྱོང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གང་དུ་ལུས་ཅན་ཐམས་
D453.082.0152a01.01ཅད་ལ། །གདུལ་བྱ་དུས་ལ་བབ་གྱུར་ན། །ནམ་མཁའ་ལས་ཀྱང་སྒྲ་བྱུང་ནས། །ཆོས་ཀྱི་འབྱུང་གནས་དེར་སྟོན་མཛད། །ཅེས་གསུངས་སོ། །དེ་ནས་དེ་བཞིན་གཤེགས་པ་རིན་ཆེན་དཀོན་པའི་ཏོག་རང་འབྱུང་དུ་འཆར་བའི་ཡེ་ཤེས་རོལ་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་
D453.082.0152a02.01ཏེ་བྱང་ཆུབ་ཀྱི་སེམས་འདི་གསུངས་སོ། །འདི་ནི་རང་འབྱུང་སྟོན་པ་པོ། །ཡེ་ཤེས་འཇུག་པ་འབད་མེད་པར། །ཐོབ་བྱ་བྱང་ཆུབ་སེམས་དཔའ་རྣམས། །རང་རིག་རང་ལས་རྙེད་པར་འགྱུར། །ཞེས་གསུངས་སོ། །དེ་ནས་དེ་བཞིན་གཤེགས་པ་བླ་མ་ཕན་པར་གྲགས་པ་སངས་རྒྱས་
D453.082.0152a03.01ཐམས་ཅད་ཀྱི་སྐུ་ཀུན་དུ་སྟོན་ཅིང་འབྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །དུས་གསུམ་པ་ཡི་སངས་རྒྱས་རྣམས། །དཀྱིལ་འཁོར་བསྡུས་པའི་འཁོར་ལོ་དག །གདུལ་བྱའི་བློ་ཡིས་མཐོང་བར་བྱེད། །དེ་ཉིད་བསམ་པའི་
D453.082.0152a04.01ཚུལ་གྱིས་འབྱུང་། །ཞེས་གསུངས་སོ། །སངས་རྒྱས་བྱང་ཆུབ་རྡོ་རྗེ་འཛིན། །ཚེ་འདིས་འགྲུབ་ཀྱི་གཞན་དུ་མིན། །ལུས་ངག་ཡིད་ནི་ལེགས་གནས་པ། །མེད་པར་འགྲུབ་པར་མི་འགྱུར་གསུངས། །གསུང་གཅིག་རྡོ་རྗེ་འཛིན་པ་ཆེ། །ཐུབ་པ་ཆེན་པོ་རྣམ་པར་རྒྱལ། །
D453.082.0152a05.01གཉིས་མེད་མཉམ་པའི་རྒྱལ་པོ་ཆེ། །འདོད་པའི་ལོངས་སྤྱོད་རྒྱུན་མི་འཆད། །འདི་མེད་རོལ་པ་རྒྱུ་མེད་འགྱུར། །ཇི་ལྟར་འདོད་པ་ཉེར་བསྟེན་པ། །ཞེན་མེད་ཡེ་ཤེས་ལོངས་སྤྱོད་པ། །བདེ་བར་བསྟན་པས་སངས་རྒྱས་འཐོབ། །ཅེས་གསུངས་ཏེ། ཡང་དག་པའི་ལོངས་སྤྱོད་པའི་
D453.082.0152a06.01ཏིང་ངེ་འཛིན་ཏོ། །དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་གསང་བ་འདུས་པ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ་ལས། ཤིན་ཏུ་བདེ་བ་ཆེན་པོའི་གནས། མངོན་པར་སྟོན་པའི་ལེའུ་སྟེ་
D453.082.0152a07.01