完整藏文原文 · 德格版页 当前仅加载第 82 函德格 205a 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཉི་ཤུའི་ཚོགས་དང་བཅས། །ཐམས་ཅད་ཅད་དབང་སྒྱུར་བདུད་ཀྱི་ལྷ། །གཞན་འཕྲུལ་དབང་བྱེད་གནས་སུ་སྐྱེས། །དེ་ལྟར་རྡོ་རྗེ་ཅན་གཟིགས་ཏེ། །སངས་རྒྱས་གར་མཁན་གར་མཛད་པས། །གདོན་མི་ཟ་བའི་ཕྲིན་ལས་ཀྱིས། །ཕྲག་དོག་རིགས་ཅན་འདུལ་བར་མཛད། །
D453.082.0205a01.01ཁྱོད་གྱིས་{བརྫུན་,རྫུན་}དུ་སྤྲོས་ཞེས་པ། །ཆོས་རྣམས་དྲི་ཟའི་གྲོང་ཁྱེར་ལས། །ཐམས་ཅད་{བརྫུན་,རྫུན་}པ་སླུ་བའི་ཚིག །སྒྱུ་མ་ལྟ་བུར་བསྒྲགས་ནས་ཀྱང་། །ཀུན་རྫོབ་སྤྱོད་པའི་གནས་བསྟན་པ། །འབྲུག་སྒྲ་ཅན་གྱི་ཞིང་དུ་འགྲོ། །ལས་ཀྱི་རིགས་ཀྱི་སྡོམ་པ་ལས། །ཕྲག་དོག་རྡོ་རྗེའི་དམ་ཚིག་
D453.082.0205a02.01བསྟན། །འདས་པའི་དུས་ན་སྔོན་བྱུང་བའི། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་ནི་སྔོན་བྱུང་བའོ། །དེ་ཚེ་སེམས་ཅན་ཐམས་ཅད་ནི། །ཤིན་ཏུ་ང་རྒྱལ་ཆེར་སྤྱོད་ཅིང་། །ཚིག་རྩུབ་དག་གིས་སྤྱོད་པར་གྱུར། །བསྐལ་པ་མི་གནས་
D453.082.0205a03.01པ་ཞེས་ལ། །བདེ་གཤེགས་དཀོན་མཆོག་དཔལ་ཞེས་པའི། །བསྟན་པ་དེ་ལ་གནས་པའི་ཚེ། །ཕལ་ཆེར་ང་རྒྱལ་གྱིས་ནོན་ཅིང་། །ངག་མ་བསྡམས་པས་གནས་པར་གྱུར། །རྩུབ་པའི་ཚིག་རྣམས་སྨྲས་པ་ཡིས། །དེས་ནི་ཐར་པ་ཐོབ་ཅེས་པ། །རྒྱལ་བ་དགོང་ཏེ་གསུངས་པ་ལ། །
D453.082.0205a04.01སློབ་དཔོན་ཉི་མའི་དཔལ་ཞེས་པས། །དགེ་སློང་འབྱོར་བ་ཅན་ཞེས་ལ། །བཀའ་ཡི་དགོངས་པ་བསྟན་པ་ལས། །གསང་བའི་དོན་ལས་རྣམ་འཁྲུལ་བས། །དྲག་བྱེད་འཇུངས་བ་ཅན་ཞེས་པ། །ཆུང་མ་ཉི་བུའི་ཚོགས་བཅས་པ། །ཐམས་ཅད་ལྷ་མིན་སྲིན་པོའི་གནས། །རི་རབ་སུལ་ལ་གནས་པ་
D453.082.0205a05.01སྐྱེས། །དེ་ལྟར་རྡོ་རྗེ་ཅན་གཟིགས་ཏེ། །སངས་རྒྱས་གར་མཁན་གར་མཛད་པས། །ཡོན་ཏན་རིན་ཆེན་འོད་འཕྲོ་བས། ང་རྒྱལ་རིགས་ཅན་འདུལ་བར་མཛད། །སྔ་ཕྱིའི་ཆོས་ནི་བདེན་མཐོང་བས། །འཁྲུལ་པའི་སྤྱོད་ལས་ལོག་པ་སྟེ། །རྩུབ་པའི་ཆོས་རྣམས་སྨྲས་པ་ཡིས། །ཡེ་ཤེས་ཐོབ་
D453.082.0205a06.01འགྱུར་ཞེས་པ་ལ། །དངོས་པོར་འཛིན་པ་སྐྲག་བྱེད་པའི། །ཡང་དག་ཀུན་རྫོབ་ཆོས་ཉིད་ཀྱིས། །རང་བཞིན་མེད་པར་བསྟན་པ་ཡིས། །དེ་དག་སྤྱོད་པ་དོན་ལྡན་པ། །རྡུལ་དང་བྲལ་བའི་ཞིང་དུ་འགྲོ། །རིན་ཆེན་རིགས་ཀྱི་སྡོམ་པ་ཡིན། །འདས་པའི་དུས་ན་སྔོན་བྱུང་བའི། །བདག་ཉིད་ཆེན་
D453.082.0205a07.01