完整藏文原文 · 德格版页 当前仅加载第 82 函德格 156b 版页；藏文 NFD、目录标记与异常页序保留在来源切片中，重复版页行以稳定序号区分。
བུས་བྱིན་སངས་རྒྱས་ཐམས་ཅད་ཀྱི་ཡེ་ཤེས་ཀྱི་ཉི་མའི་སྣང་བ་ཀུན་དུ་སྟོན་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སྲིད་པ་དག་པས་སྣང་བ་དག །རང་ལུས་དག་པས་རྣམ་ཤེས་དག །ཡེ་ཤེས་སྤྱོད་པས་རྣམ་པར་སྤྱད། །
D453.082.0156b01.01འདི་ནི་རྡོ་རྗེའི་ཚུལ་མཆོག་ཡིན། །ཞེས་གསུངས་སོ། །དེ་ནས་དེ་བཞིན་གཤེགས་པ་རྡོ་རྗེ་སྡེ་སངས་རྒྱས་ཐམས་ཅད་ཀྱི་ཚུལ་ཟླ་བའི་སྣང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །གང་དུ་རྨི་ལམ་དག་པར་ནི། །
D453.082.0156b02.01རྡོ་རྗེ་བློ་ཡིས་རྣམ་པར་སྦྱང་། །དེ་ཉིད་ཡེ་ཤེས་རྒྱལ་བ་ཡིས། །བདུད་ལས་རྣམ་པར་རྒྱལ་བར་བྱ། །ཞེས་གསུངས་སོ། །དེ་ནས་དེ་བཞིན་གཤེགས་པ་རྡོ་རྗེ་ཕལ་ཆེར་སྦྱིན་སངས་རྒྱས་ཐམས་ཅད་ཀྱི་གསང་བ་པདྨོ་རྣམ་པར་རོལ་པའི་འོད་ཟེར་འབྱུང་བ་རྡོ་རྗེ་ཞེས་བྱ་བའི་ཏིང་
D453.082.0156b03.01ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །ཞིང་ཁམས་ཀུན་གྱི་སྣང་བའི་གནས། །རིན་ཆེན་འོད་ཀྱིས་རྣམ་པར་སྤྲས། །སྒྱུ་མ་ཙམ་དུ་སྟོན་པ་ཉིད། །སྙིང་པོ་ཡེ་ཤེས་གཞིར་གྱུར་པའོ། །ཞེས་གསུངས་སོ། །དེ་ནས་དེ་བཞིན་
D453.082.0156b04.01གཤེགས་པ་ཞི་བའི་བློ་གྲོས་སངས་རྒྱས་ཐམས་ཅད་ཀྱི་ཞིང་མ་ལུས་པར་བཀོད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །རྒྱལ་བ་རྒྱ་མཚོ་སྤྲིན་ཚོགས་ལས། །དུས་གསུམ་ཀུན་ཏུ་དགེ་བ་ཡི། །ཞིང་ཁམས་
D453.082.0156b05.01ཡེ་ཤེས་འོད་ཀྱི་སྐུ། །ཆོས་རྣམས་སེམས་ཀྱི་སྣང་ལས་འབྱུང་། །ཞེས་གསུངས་སོ། །དེ་ནས་རྒྱལ་པོ་རྡོ་རྗེ་འཛིན། །གསང་བའི་དབང་ཕྱུག་བཅོམ་ལྡན་གྱིས། །ཡེ་ཤེས་སྤྱོད་པས་བསྒྲུབ་པ་ཡི། །ལྷན་ཅིག་སྤྱོད་པ་བཀའ་སྩལ་ཏོ། །ཇི་ལྟར་མི་གནས་
D453.082.0156b06.01ནམ་མཁའ་ནི། །ཁྱབ་ཅིང་མཚན་ཉིད་མེད་པ་ཉིད། །དོན་དམ་དེ་ཉིད་དམིགས་མེད་དེ། །བརྗོད་པ་སྤངས་པ་སྟོང་པ་ཆེ། །མི་ཤིགས་གསང་བ་བླ་ན་མེད། །ཀུན་དུ་བཟང་པོ་ཞེས་གྲགས་པ། །རྣལ་འབྱོར་དབང་ཕྱུག་ཕྱག་རྒྱ་ཆེ། །ཡེ་ཤེས་རྟག་པས་
D453.082.0156b07.01