完整藏文原文 · 德格版页 当前仅加载第 82 函德格 257a 版页；藏文 NFD、目录标记与异常页序保留在来源切片中，重复版页行以稳定序号区分。
ཅིང་འབྲེལ་འབྱུང་དོན་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ང་རྒྱལ་སྤོང་སངས་རྒྱས་ཐམས་ཅད་ཀྱི་ཡེ་ཤེས་མི་ཟད་པའི་གནས་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །འདི་ནི་ཡོངས་སུ་
D453.082.0257a01.01དག་པའི་ལམ། །བར་ཆད་མེད་པར་མཐའ་ཕྱིན་པར། །རྣམ་ཤེས་ཕུང་པོའི་ཡེ་ཤེས་འབྱུང་། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་བདུད་རླག་པར་མཛད་པ་བདུད་འདུལ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་
D453.082.0257a02.01ཀྱི་སེམས་འདི་གསུངས་སོ། །དངོས་དག་དངོས་མེད་ལས་གྲོལ་ཞིང་། །སེམས་དང་སེམས་ལས་བྱུང་བ་ཡི། །འདུ་བྱེད་དག་པའི་སེམས་པ་གང་། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཆགས་པ་ཐམས་ཅད་ལས་ཡང་
D453.082.0257a03.01དག་པར་རྒལ་བའི་སྟོབས་སངས་རྒྱས་ཐམས་ཅད་ཀྱི་ཕྱི་ནང་དུ་གནས་པ་མེད་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སྒྱུ་མའི་རྣམ་པ་ལྟ་བུས་ཀྱང་། །བདེ་དང་སྡུག་བསྔལ་ཀུན་བྱེད་དེ། །རྒྱུ་འབྲས་བྱེད་པས་སོ་སོར་སྨིན། །དེ་བས་
D453.082.0257a04.01བྱང་ཆུབ་སེམས་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་མི་ཕྱེད་པའི་བློ་མངའ་བ་སངས་རྒྱས་ཐམས་ཅད་ཀྱི་རྡོ་རྗེའི་སྐུ་སྟོན་པའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སྣང་སྟོང་ཐ་དད་མེད་པ་ཡི། །ངོ་བོ་རོ་མཉམ་སྒྱུ་
D453.082.0257a05.01མའི་དངོས། །དུས་གསུམ་དངོས་ལས་འདས་པའི་ཆོས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་རྒྱ་མཚོའི་དཔལ་སངས་རྒྱས་ཐམས་ཅད་ཀྱི་དཔའ་བོའི་འཁོར་ལོ་དག་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་
D453.082.0257a06.01ཆུབ་ཀྱི་སེམས་འདི་གསུངས་སོ། །བདེན་པ་{བརྫུན་,རྫུན་}པ་ལས་འདས་ཤིང་། །དངོས་སྟོང་དྲི་ཟའི་གྲོང་མཚུངས་དང་། །བྱེད་པ་སྤངས་པའི་ཚུལ་འདི་ནི། །དེ་ཉིད་ཡེ་ཤེས་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དག་ཅིང་དགའ་བར་མཛད་པ་སངས་རྒྱས་
D453.082.0257a07.01