完整藏文原文 · 德格版页 当前仅加载第 82 函德格 286a 版页；藏文 NFD、目录标记与异常页序保留在来源切片中，重复版页行以稳定序号区分。
གནས་པར་བྱ། དེས་ནི་གསང་བའི་སྤྱོད་པ་ལ་གནས་ན་ཤིན་ཏུ་མྱུར་བ་ཉིད་དུ་རྡོ་རྗེ་སེམས་དཔའ་འགྲུབ་པར་བྱེད་དོ། །ཆོས་ཀྱི་ཕྱག་རྒྱ་ནི་འོད་ཀྱི་རིག་མ་ལས་བྱུང་བ་རང་སྣང་བའི་ལྷ་མོ་ལས་རྟོགས་པར་འགྱུར་རོ། །ཕྱག་རྒྱ་ཆེན་པོ་ནི་ལྷན་ཅིག་
D453.082.0286a01.01སྐྱེས་པའི་ཡེ་ཤེས་བྱིན་བརླབས་བླ་མའི་བརྒྱུད་པ་ལས་ཐོབ་པར་བྱེད་དོ། །དམ་ཚིག་གི་ཕྱག་རྒྱ་ནི་ཐབས་དང་ཤེས་རབ་མི་ཕྱེད་པའི་ཡེ་ཤེས་ལས་འདའ་བ་མེད་པར་སྤྱོད་པ་སྟེ། གསང་བ་ཟབ་དང་རྒྱ་ཆེ་བའི། །ཡེ་ཤེས་རབ་ཏུ་མི་གནས་པ། །ཞི་གནས་ལྷག་མཐོང་
D453.082.0286a02.01རོ་གཅིག་ཏུ། །བླ་མེད་གསང་ཆེན་དབང་བསྐུར་བའོ། །དེ་བཞིན་གཤེགས་པ་ཐམས་ཅད་ཀྱི། །སྲས་བཅས་འབྱུང་བའི་དཀྱིལ་འཁོར་དུ། །དཔལ་མཆོག་འདིར་ནི་གང་བསྟན་པ། །རྡོ་རྗེ་འཛིན་པའི་སྤྱོད་ཡུལ་དུ། །རིགས་ཀྱི་དབྱེ་བ་བསྡུས་པའི་ལམ། །
D453.082.0286a03.01བསམ་མི་ཁྱབ་པའི་ཁྱད་པར་གང་། །བྱ་བ་སྤྱོད་པའི་ཚུལ་ཀུན་གྱི། །རྒྱུད་སྡེ་སྣ་ཚོགས་ལྷ་རྣམས་ཀྱི། །དབང་བསྐུར་རབ་ཏུ་ཐོབ་པས་ན། །གཉིས་སུ་མེད་པའི་རྒྱལ་ཞེས་བརྗོད། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་གསང་
D453.082.0286a04.01བ་འདུས་པ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྒྱུད་ལས་དབང་བསྐུར་བ་ཆེན་པོ་ཚད་མེད་པ་རྡོ་རྗེའི་ལེའུ་སྟེ་དྲུག་ཅུ་བརྒྱད་པའོ།། །།དེ་ནས་རྒྱལ་པོ་རྡོ་རྗེ་འཛིན། །གསང་བདག་པའི་ཚུལ་གནས་ཏེ། །ཕྲིན་ལས་སྣ་
D453.082.0286a05.01ཚོགས་སྦས་པ་ཡི། །དེ་ཉིད་རབ་ཏུ་བསྟན་པའོ། །འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་གསང་བའི་དབང་ཆེན་པོ་དེ་བཞིན་གཤེགས་པ་ཐམས་ཅད་ཀྱི་སྤྱོད་པའི་ཚུལ་ཡང་དག་པར་དབང་བསྐུར་བ་རྡོ་རྗེའི་ཏིང་ངེ་འཛིན་མི་ཕྱེད་པ་སྟེ། དཔལ་གསང་
D453.082.0286a06.01བ་འདུས་པའི་དཀྱིལ་འཁོར་ཆེན་པོར་དབང་བསྐུར་བ་ལ་སྤྱོད་པ་དེ་དག་ནི་དེ་བཞིན་གཤེགས་པ་ཐམས་ཅད་ཀྱི་སྲས་ཐུ་བོར་གྱུར་པ་དང་། བྱང་ཆུབ་སེམས་དཔའ་སེམས་དཔའ་རྣམས་ཀྱིས་གྲོགས་ཚངས་པར་མཚུངས་པར་སྤྱོད་པར་བལྟ་སྟེ། ཁྲོ་བོའི་རྒྱལ་པོ་དུ་མས་ནི་
D453.082.0286a07.01