完整藏文原文 · 德格版页 当前仅加载第 82 函德格 140b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་འོད་སངས་རྒྱས་ཐམས་ཅད་ཀྱི་བྱང་ཆུབ་སྙིང་པོ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །རིལ་པོར་འཛིན་པ་བསྡུ་བ་དང་། །རྗེས་སུ་གཞིག་པ་སྤྲོ་བ་ཉིད། །གཉིས་མེད་བསམ་གཏན་ལ་གནས་པ། །གཅིག་པུ་བྱེད་པའི་ཚུལ་བསྟན་
D453.082.0140b01.01པའོ། །ཞེས་གསུངས་སོ། །དེ་ནས་བཅོམ་ལྡན་འདས་སྤོས་དྲི་ཞིམ་པས་སངས་རྒྱས་ཐམས་ཅད་ཀྱི་ཆོས་ཉིད་བདེ་བ་ཆེན་པོའི་ཚུལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཡེ་ཤེས་བདེ་བ་ཆེན་པོའི་ངང་། །རྟག་ཏུ་བཞུགས་པའི་ངོ་བོ་
D453.082.0140b02.01ཉིད། །རང་འབྱུང་འགྱུར་མེད་སྙིང་པོ་ཆེ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་ཡོན་ཏན་མཆོག་འཛིན་སངས་རྒྱས་ཐམས་ཅད་ཀྱི་དགོངས་པ་འདུས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་
D453.082.0140b03.01སོ། །དྲི་མེད་སྒྱུ་མའི་ཆོས་ཉིད་ནི། །ཡོད་མེད་ཐ་དད་ལས་འདས་པ། །སྣང་ལ་རང་བཞིན་མེད་པ་ཉིད། །འགག་མེད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་མུན་པ་དང་རྣམ་པར་བྲལ་བས་འགྲོ་བ་ཐམས་ཅད་ཀྱི་བློའི་མུན་པ་སེལ་བ་ཡེ་ཤེས་ཀྱི་རོལ་བའི་
D453.082.0140b04.01ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །འདི་ཉིད་རང་བཞིན་མི་དམིགས་པས། །ཡོངས་སུ་དག་པར་ཤེས་པར་བྱ། །ཟུང་འཇུག་དེ་བཞིན་ཉིད་ལས་ནི། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་སེང་གེའི་འགྲམ་
D453.082.0140b05.01པ་དེ་བཞིན་གཤེགས་པ་ཐམས་ཅད་ཀྱི་རྣམ་པར་འཕྲུལ་པ་རྟོག་མེད་དབྱིངས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །མཉམ་པ་ཉིད་ལས་གང་འབྱུང་བའི། །བདེ་ཆེན་རང་འབྱུང་རང་ཉིད་ནི། །མི་ཟད་རྒྱན་གྱི་འཁོར་ལོ་སྟེ། །གསང་བའི་ཚུལ་
D453.082.0140b06.01འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་རིན་ཆེན་གྲགས་པས་སངས་རྒྱས་ཐམས་ཅད་ཀྱི་གཉིས་མེད་མཉམ་པ་རང་བྱུང་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གསང་བ་རང་བྱུང་བརྟན་གཡོ་བཅས། །
D453.082.0140b07.01