完整藏文原文 · 德格版页 当前仅加载第 82 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
འདྲེན་པ་མེད་ཅིང་ཕྱི་ནང་བྲལ། །གོལ་མེད་གཡང་ས་དག་པ་ཡི། །ནམ་མཁའི་དབྱིངས་མཚུངས་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དོན་དང་ལྡན་པ་རྡོ་རྗེ་སངས་རྒྱས་ཐམས་ཅད་ཀྱི་ལེན་པ་མེད་ཅིང་དོར་བ་མེད་པའི་ཏིང་ངེ་འཛིན་ལ་
D453.082.0267b01.01སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སྒྲ་དབྱངས་མི་ཟད་བརྗོད་མེད་པས། །རྡོ་རྗེའི་ཚིག་ལ་མི་གནས་པས། །ཡི་གེ་མེད་པར་རབ་ཤེས་པ། །ཡན་ལག་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དོན་གསུང་བ་
D453.082.0267b02.01སངས་རྒྱས་ཐམས་ཅད་ཀྱི་མཚུངས་པ་མེད་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཆོས་རྣམས་རྣམ་དག་ཡེ་ཤེས་གང་། །དེ་ནི་དོན་དམ་མ་ཡིན་ཏེ། །སྤྱད་དང་རྒྱུ་དངོས་བསྐྱེད་པའི་ཕྱིར། །དོན་དམ་གནས་མེད་ཚུལ་བསྟན་པའོ། །
D453.082.0267b03.01ཞེས་གསུངས་སོ། །དེ་ནས་དེ་བཞིན་གཤེགས་པ་དགྱེས་པ་གསལ་བ་སངས་རྒྱས་ཐམས་ཅད་ཀྱི་གང་དུ་བསྒྲུབ་པ་མེད་པའི་རྒྱན་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །རྣམ་པའི་མཆོག་རྣམས་ཀུན་ལྡན་པའི། །བསམ་མི་ཁྱབ་
D453.082.0267b04.01པའི་བདག་ཉིད་ཀྱིས། །འདུལ་བ་ཚད་མེད་དག་པ་ལས། །བྱང་ཆུབ་སེམས་འདི་བསྟན་པ་ཡིན། །ཞེས་གསུངས་སོ། །དེ་ནས་དེ་བཞིན་གཤེགས་པ་སེང་གེའི་ཞལ་སངས་རྒྱས་ཐམས་ཅད་ཀྱི་དུས་གསུམ་མཉམ་པ་ཉིད་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་
D453.082.0267b05.01ཀྱི་སེམས་འདི་གསུངས་སོ། །ཐོག་མ་ཐ་མ་མེད་ཞི་བ། །ངོ་བོ་ཉིད་ཀྱིས་མི་རྟོག་ཅིང་། །སྐུ་གསུམ་རྡོ་རྗེའི་སྤྱོད་ཡུལ་ལས། །བྱང་ཆུབ་སེམས་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་གཙུག་ཕུད་སངས་རྒྱས་ཐམས་ཅད་ཀྱི་སྐུའི་གསང་བ་མི་ཟད་པའི་
D453.082.0267b06.01ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཆོས་དབྱིངས་ཟད་མེད་ཀུན་རྟོག་བྲལ། །དུ་མར་སྣང་ཞིང་མི་འགྱུར་བ། །ཡང་དག་ཡེ་ཤེས་སྤྱོད་ཡུལ་དུ། །དམིགས་མེད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་
D453.082.0267b07.01