完整藏文原文 · 德格版页 当前仅加载第 82 函德格 157a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀྱི་སྐུ། །མེ་ལོང་ནང་གི་གཟུགས་བརྙན་གང་། །རྣམ་པ་གསལ་བར་འཆར་བ་ལྟར། །ཇི་ལྟར་སངས་རྒྱས་ཡེ་ཤེས་ནི། །སྣང་བ་མེ་ལོང་ལྟ་བུར་བརྗོད། །དེ་བཞིན་གཤེགས་པ་ཐམས་ཅད་ཀྱི། །ཡེ་ཤེས་རང་རིག་གཞན་རིག་པ། །ཐ་དད་
D453.082.0157a01.01མེད་པར་ཐུགས་ཆུད་པས། །དེ་ཉིད་མཉམ་ཉིད་ཡེ་ཤེས་བརྗོད། །གདོད་ནས་དག་ཅིང་སྐྱེ་བ་མེད། །རང་བཞིན་གྱིས་ནི་འོད་གསལ་བ། །ཕན་ཚུན་ཁྱབ་པའི་ཡེ་ཤེས་ལ། །སོ་སོར་རྟོག་པ་ཞེས་བརྗོད་དོ། །ཀུན་ནས་མ་ལུས་སངས་རྒྱས་ཀྱི། །མཛད་པ་སྣ་ཚོགས་ལ་
D453.082.0157a02.01སྤྱོད་པས། །བདེ་བར་གཤེགས་གནས་གཅིག་མཛད་པས། །ཁྱབ་པ་ནན་ཏན་ཡེ་ཤེས་བརྗོད། །གང་ཚེ་ཉོན་མོངས་ཤེས་བྱའི་སྒྲིབ། །ཐམས་ཅད་ལས་གྲོལ་དེ་ཡི་ཚེ། །རྣལ་འབྱོར་མཆོག་ཐོབ་རྡོ་རྗེ་འཛིན། །ཤིན་ཏུ་རྣམ་དག་ཡེ་ཤེས་བརྗོད། །མཆོག་གྱུར་རྒྱལ་བའི་
D453.082.0157a03.01འབྱུང་གནས་ནི། །ཆོས་རྣམས་ངོ་བོ་ཉིད་མེད་པས། །རབ་ཏུ་མི་གནས་ཡེ་ཤེས་གཞི། །དམ་ཚིག་ཤིན་ཏུ་འདའ་དཀའ་བའོ། །རང་བྱུང་དྲི་མ་མེད་པ་ནི། །རྟོག་པ་ཐམས་ཅད་ཡང་དག་སྤངས། །དངོས་དང་དངོས་མེད་རང་བཞིན་གྱིས། །གཉིས་ཀྱི་བག་ཆགས་འཆིང་བ་ཉིད། །
D453.082.0157a04.01མི་རྟོག་པ་ཡི་རང་བཞིན་གྱིས། །བསམ་མི་ཁྱབ་པ་ཉིད་ཀྱིས་གཅོད། །རྟོག་པའི་དྲི་མའི་དྲ་བ་ཡིས། །རིན་ཆེན་སེམས་ནི་དྲི་མར་བྱས། །གཉིས་སུ་མེད་པའི་ཡེ་ཤེས་ཉིད། །དྲི་མ་བྲལ་ཕྱིར་སངས་རྒྱས་བརྗོད། །ཅེས་བྱང་ཆུབ་སེམས་དཔའ་སེམས་དཔའ་ཆེན་
D453.082.0157a05.01པོ་སའི་སྙིང་པོ་ལ་སོགས་པ་རྣམས་ཀྱིས་གསང་ཆེན་གྱི་གནས་ཡོངས་སུ་བརྗོད་པ་ལ་རབ་ཏུ་དགའ་བའི་དོན་ཆེད་དུ་བརྗོད་དོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་། ཐུགས་ཀྱི་གསང་བ་གསང་བ་འདུས་པ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་
D453.082.0157a06.01ཉིད་རྣམ་པར་རྒྱལ་བ་ཞེས་བྱ་བ་ལས་སངས་རྒྱས་ཐམས་ཅད་ཀྱི་ཡེ་ཤེས་མངོན་པར་རོལ་པ་བསྟན་པའི་ལེའུ་སྟེ་ཉེར་ལྔ་པའོ།། །།དེ་ནས་རྒྱལ་པོ་རྡོ་རྗེ་འཛིན། །ཐམས་ཅད་སྟོང་པ་མི་འགྱུར་ཆེ། །ཡེ་ཤེས་དམ་པ་སྟོན་པ་པོས། །ཀུན་དུ་གསང་བ་བཀའ་སྩལ་ཏོ། །
D453.082.0157a07.01