完整藏文原文 · 德格版页 当前仅加载第 82 函德格 162a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་ཀུན་གྱི་ལུས་ལ་ངེས་པར་བཞུགས། །དབྲི་བསྣན་མེད་པར་འཆར་པས་གསལ་བར་བྱེད། །དེ་ཉིད་སྦས་པའི་དོན་དུ་ཚུལ་འདི་བསྟན། །ཞེས་གསུངས་སོ། །དེ་ནས་དེ་བཞིན་གཤེགས་པ་འོད་ཟེར་བཅུ་པ་སངས་རྒྱས་ཐམས་ཅད་ཀྱི་སྙིང་པོ་གཞལ་
D453.082.0162a01.01ཡས་ཁང་ཉེ་བར་བརྒྱན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །དཀྱིལ་འཁོར་འཁོར་ལོའི་གཞལ་ཡས་ཁང་། །ཚད་མེད་བཀོད་པས་རབ་སྤྲས་པ། །རྒྱན་རྣམས་བྱེ་བྲག་མཐའ་ཡས་ཚོགས། །སྣང་བདེ་ཉིད་ཚུལ་བསྟན་
D453.082.0162a02.01པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་མ་དམད་པ་སངས་རྒྱས་ཐམས་ཅད་ཀྱི་སྙིང་པོ་ཡང་དག་པར་སྟོན་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །སྒྱུ་མའི་ཆོས་རྣམས་མཁའ་ལྟ་བུར། །དག་པའི་
D453.082.0162a03.01ཡེ་ཤེས་རང་སྲོག་གོ། །སྙིང་གི་པདྨ་སད་པར་བྱ། །དེ་ལས་ཡེ་ཤེས་བློ་རྒྱས་པའོ། །ཞེས་གསུངས་སོ། །དེ་ནས་དེ་དག་ཀུན་གྱི་གསང་། །ཡེ་ཤེས་དམ་པ་མཆོག་གྲུབ་པ། །གསང་ཆེན་ཡེ་ཤེས་ལམ་འདི་ཡིས། །འདོད་དང་ཐར་བར་བསྒྲུབ་པའོ། །དེ་བཞིན་གཤེགས་
D453.082.0162a04.01པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་གསང་བ་འདུས་པ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ་ལས་གསང་བ་ཆེན་པོའི་ཡེ་ཤེས་ཀྱི་དོན་གཏན་ལ་ཕབ་པའི་ལེའུ་སྟེ་ཉེར་བདུན་པའོ།། །།དེ་ནས་དེ་བཞིན་གཤེགས་པ་གླང་པོའི་
D453.082.0162a05.01འགྲོས་སངས་རྒྱས་ཐམས་ཅད་ཀྱི་བླ་ན་མེད་པའི་ཡེ་ཤེས་ལ་དམིགས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །ཡེ་ཤེས་མཆོག་ཏུ་གསང་བ་གང་། །དེ་ཉིད་བསྡུས་པར་གྱུར་པ་སྟེ། །རྟོག་པའི་དྲ་བ་གཅོད་
D453.082.0162a06.01མཛད་ཡིན། །དེ་ཉིད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཡིད་འཐད་དཔལ་སངས་རྒྱས་ཐམས་ཅད་ཀྱི་འོད་ཟེར་ཀུན་ནས་རྒྱས་པའི་འབྱུང་གནས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །
D453.082.0162a07.01