完整藏文原文 · 德格版页 当前仅加载第 82 函德格 261b 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །དེ་ནས་དེ་བཞིན་གཤེགས་པ་ཞལ་མཛེས་སངས་རྒྱས་ཐམས་ཅད་ཀྱི་དུས་གསུམ་ཀུན་དུ་ཁྱབ་པར་སྟོན་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །མཛད་པ་དུ་མའི་སྤྱོད་ཡུལ་དུ། །སྣང་གྲགས་སྲིད་པ་རྟོག་གེ་བ། །
D453.082.0261b01.01ཐམས་ཅད་ཟིལ་གནོན་རྡོ་རྗེ་ཆེས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཨུཏྤ་ལའི་འོད་སངས་རྒྱས་ཐམས་ཅད་ཀྱི་ཀུན་དུ་སྟོན་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཀུན་མཁྱེན་
D453.082.0261b02.01ས་ནི་འཇིག་རྟེན་དུ། །ཨུ་དུམྦ་རའི་མེ་ཏོག་བཞིན། །དུ་མ་མ་ཡིན་གཅིག་པ་ཉིད། །དེ་བས་དམ་ཆོས་མཆོག་ཏུའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དུས་གནས་མེ་ཏོག་སངས་རྒྱས་ཐམས་ཅད་ཀྱི་དཔེ་དང་བྲལ་བ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་
D453.082.0261b03.01ཆུབ་ཀྱི་སེམས་འདི་གསུངས་སོ། །གང་དུ་དམ་པའི་ཆོས་གནས་ཤིང་། །ཀུན་དུ་དགེ་བ་དག་པས་ན། །རྣམ་པར་འཚེ་བ་དུ་མ་འབྱུང་། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་སྤོབས་པ་མཐའ་ཡས་ཏོག་སངས་རྒྱས་ཐམས་ཅད་ཀྱི་ཡེ་
D453.082.0261b04.01ཤེས་འབྲུག་སྒྲ་དབྱངས་ཀྱི་རྒྱལ་པོའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སྲིད་གསུམ་གནས་པའི་སེམས་ཅན་ལ། །དགེ་བ་ཡེ་ཤེས་ཚུལ་གནས་ཀྱང་། །ཐོབ་མེད་དམ་པའི་སྒྲ་སྒྲོག་བྱེད། །བྱང་ཆུབ་ཚུལ་འདི་བསྟན་པའོ། །ཞེས་གསུངས་
D453.082.0261b05.01སོ། །དེ་ནས་དེ་བཞིན་གཤེགས་པ་འོད་ཟེར་སངས་རྒྱས་ཐམས་ཅད་ཀྱི་རྣམ་པར་བརྩེ་བ་སེང་གེའི་སྟོབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཆུ་ཀླུང་འབབ་ཆུ་རྣམས་དང་ནི། །རྒྱ་མཚོའི་ཆུ་ནི་ཐ་དད་པར། །སྣ་ཚོགས་གཅིག་
D453.082.0261b06.01པར་རྒྱུན་འབབ་པས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དྲང་སྲོང་གསལ་བས་སངས་རྒྱས་ཐམས་ཅད་ཀྱི་དྲང་སྲོང་འདུལ་བ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ལྷ་ཡི་དྲང་
D453.082.0261b07.01