完整藏文原文 · 德格版页 当前仅加载第 82 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
དབྱིངས་དང་དབྱེར་མེད་པའི། །བསམ་གྱིས་མི་ཁྱབ་ལ་གནས་པས། །བདེ་གཤེགས་སྤྱོད་པ་གཅིག་ཉིད་ལ། །འཇུག་པ་ཡེ་ཤེས་ཚུལ་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཡུལ་འཁོར་མྱ་ངན་མེད་པས་སངས་རྒྱས་ཐམས་ཅད་ཀྱི་
D453.082.0266b01.01རྣམ་པར་འཕྲུལ་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཏིང་འཛིན་གཅིག་ལ་མཉམ་བཞག་པས། །འཇིག་རྟེན་ཁམས་ནི་དུ་མ་རུ། །གྲངས་མེད་ཏིང་འཛིན་ལ་འཇུག་པ། །ཟད་མི་ཤེས་པར་བསྟན་པ་ཡིན། །
D453.082.0266b02.01ཞེས་གསུངས་སོ། །དེ་ནས་དེ་བཞིན་གཤེགས་པ་བློ་གྲོས་སེམས་པ་སངས་རྒྱས་ཐམས་ཅད་ཀྱི་དེ་བཞིན་ཉིད་རྣམ་པར་སྣང་བ་མེད་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །མཐའ་དང་དབུས་མེད་དག་པ་ཡི། །ཞིང་དང་
D453.082.0266b03.01སེམས་ཅན་ཁམས་རྣམས་དང་། །ཆོས་རྣམས་མཉམ་ཉིད་ཡང་དག་པས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་བློ་དང་ལྡན་པ་སངས་རྒྱས་ཐམས་ཅད་ཀྱི་མངོན་པར་འདུ་བྱ་བ་དང་བྲལ་བ་ཡེ་ཤེས་རྡོ་རྗེའི་ཏིང་ངེ་འཛིན་ལ་
D453.082.0266b04.01སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གང་དུ་ཆོས་རྣམས་འབྱེད་མེད་པར། །མཉམ་ཉིད་སྤྱོད་པས་ཀུན་དུ་ཡང་། །སངས་རྒྱས་ཞིང་ནི་མཉམ་ཉིད་དེ། །ཕྲིན་ལས་མཉམ་ཉིད་ཚུལ་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་
D453.082.0266b05.01པ་ཆོས་ཀྱི་སྒྲོན་མེ་སངས་རྒྱས་ཐམས་ཅད་ཀྱི་རབ་ཏུ་ཕྱེ་བའི་དོན་གྱི་མཛོད་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ནམ་མཁའི་ཁམས་ལྟར་ཆགས་མེད་པས། །མ་ཆགས་ཐོག་མཐའ་མེད་པར་ནི། །སྐྱེ་འཆི་མེད་པའི་
D453.082.0266b06.01ལུས་སྟོན་ཅིང་། །ངག་དང་སེམས་ཀྱང་དེ་ལྟར་གསུངས། །ཞེས་གསུངས་སོ། །དེ་ནས་དེ་བཞིན་གཤེགས་པ་སྤྱན་ལྡན་སངས་རྒྱས་ཐམས་ཅད་ཀྱི་རྣམ་པར་དག་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །རབ་ཏུ་གནས་མེད་ཆོས་རྣམས་
D453.082.0266b07.01