完整藏文原文 · 德格版页 当前仅加载第 82 函德格 117b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་གསུངས་སོ། །ལྷ་མོ་དྲི་རྡོ་རྗེ་ཁོ་ན་ཉིད་མངོན་པར་བྱང་ཆུབ་པ་ཀུན་དུ་སྟོན་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བདེ་བ་ཆེན་པོས་འགྲོ་ཁྱབ་པ། །བདེ་བ་སྤངས་ན་རིགས་པ་མེད། །བདེ་བ་འབར་བས་སྲིད་པ་འཆིང་། །བདེ་བ་སུས་ཀྱང་བཟློག་མི་
D453.082.0117b01.01ནུས། །ཞེས་གསུངས་སོ། །ལྷ་མོ་རོ་རྡོ་རྗེ་དམ་ཚིག་ཆེན་པོས་མཆོད་པ་ཀུན་དུ་རྒྱས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཆོས་རྣམས་བདེན་པ་མ་ཡིན་ཞིང་། །{བརྫུན་,རྫུན་}པའང་མ་ཡིན་པ་ཡི་དོན། །བླང་དང་དོར་བར་བྱར་མེད་པ། །དེ་ཉིད་ཡེ་
D453.082.0117b02.01ཤེས་མཆོག་ཏུ་བསྟན། །ཞེས་གསུངས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྒྱལ་བའི་རྡོ་རྗེ་སྤྲོ་བའི་སྤྲིན་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བསམ་གཏན་མེད་ཅིང་དངོས་པོ་མེད། །སྔགས་མེད་ལྷ་ཡང་མེད་པ་
D453.082.0117b03.01ཉིད། །རྡོ་རྗེ་སེམས་དཔའ་རང་བྱུང་བ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྐུ་རྡོ་རྗེ་ཞི་བའི་དམ་ཚིག་མཆོག་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཡེ་ཤེས་ལྔ་ཡི་རབ་སྦྱོར་བས། །
D453.082.0117b04.01བསོད་ནམས་མེད་ཅིང་སྡིག་པའང་མེད། །བྱང་ཆུབ་སེམས་འདི་བསྟན་པ་ཉིད། །དུ་མ་ཉིད་དུ་མི་དམིགས་སོ། །ཞེས་གསུངས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཐུགས་རྡོ་རྗེ་དངོས་པོ་དང་དངོས་པོ་མེད་པའི་དམ་ཚིག་རྡོ་རྗེ་ཞེས་བྱ་བའི་ཏིང་ངེ་འཛིན་
D453.082.0117b05.01ལ་སྙོམས་པར་ཞུགས་ཏེ། སྔགས་མེད་བཟླས་པའང་མེད་པ་སྟེ། །ཆོས་ཀྱི་དབྱིངས་ཀྱི་རང་བཞིན་གྱིས། །འགྲོ་བ་གསུམ་ཀུན་ཡོད་པ་སྟེ། །སྒོམ་པ་མེད་ཅིང་མངོན་རྟོགས་མེད། །ཅེས་གསུངས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་ནམ་
D453.082.0117b06.01མཁའི་སྙིང་པོ་ཏིང་ངེ་འཛིན་རྡོ་རྗེ་དམ་ཚིག་ལ་གཟིགས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཀུན་རྫོབ་ཏུ་ནི་འཇིག་རྟེན་ཡོད། །དཔྱད་པས་འཇིག་རྟེན་གང་ནའང་མེད། །རྟག་ཏུ་འཇིག་རྟེན་ལྡན་པར་འཇུག །དག་པ་དང་ནི་གནས་དག་པའོ། །
D453.082.0117b07.01