完整藏文原文 · 德格版页 当前仅加载第 82 函德格 203a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་དག་པ་རྡོ་རྗེ་སངས་རྒྱས་ཐམས་ཅད་ཀྱི་གནས་ཀྱི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །དབང་པོའི་གནས་ལས་ལྷག་པའི་སྟོབས། །སྟོང་གསུམ་ཆོས་ཀྱི་དཔལ་ལྡན་པས། །ཡེ་ཤེས་ཆར་འབེབས་སྟོན་པ་པོ། །བྱང་ཆུབ་ཚུལ་
D453.082.0203a01.01འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དབང་པོ་ཤུགས་འཆང་སངས་རྒྱས་ཐམས་ཅད་ཀྱི་ཕྲིན་ལས་སྣ་ཚོགས་སྟོན་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གསང་བའི་ཡེ་ཤེས་བསམ་མི་ཁྱབ། །ནམ་མཁའི་གཟུགས་
D453.082.0203a02.01སུ་ཡོངས་བཞུགས་པ། །འདུས་པ་བླ་མེད་དགྱེས་པར་རོལ། །དེ་ཉིད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་སྐར་རྒྱལ་སྐུའི་ཏིང་ངེ་འཛིན་རྡོ་རྗེའི་གསང་བ་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །བཅོམ་ལྡན་འཇིག་རྟེན་མགོན་པོ་ཡི། །
D453.082.0203a03.01གཙུག་ཏོར་ཚད་མེད་གཞལ་མེད་པ། །ནམ་མཁའི་གནས་ཀྱི་སྤྱོད་ཡུལ་ཏེ། །དེ་ཉིད་གསང་བ་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་འོད་བཟང་པོ་སངས་རྒྱས་ཐམས་ཅད་ཀྱི་གསུང་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཡན་
D453.082.0203a04.01ལག་དྲུག་ཅུའི་དབྱངས་ཀྱིས་ནི། །ཡིད་འཕྲོག་དཔག་མེད་རྡོ་རྗེའི་གསུང་། །སེམས་ཅན་སྣ་ཚོགས་དེར་སྟོན་པ། །བསམ་གྱིས་མི་ཁྱབ་སྤྱོད་ཡུལ་ལོ། །ཞེས་གསུངས་སོ། །དེ་ནས་དེ་བཞིན་གཤེགས་པ་གྲགས་པས་བྱིན་པ་སངས་རྒྱས་ཐམས་ཅད་ཀྱི་ཐུགས་ཀྱི་གསང་བའི་གནས་རྡོ་རྗེའི་གནས་ཀྱི་
D453.082.0203a05.01ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སེམས་ཀྱི་གསང་བ་དག་པ་སྟེ། །སེམས་ཀྱི་ལས་ནི་ཡོངས་དག་པས། །སེམས་ཅན་ཁམས་དང་མཐུན་པར་འཇུག །བསམ་གྱིས་མི་ཁྱབ་བསྟན་པའོ། །ཞེས་གསུངས་སོ། །དེ་ནས་གསང་བ་འཛིན་པ་པོས། །
D453.082.0203a06.01ཐུབ་པ་དོན་གྱི་ཡེ་ཤེས་ཅན། །སྐུ་བཞི་ཡེ་ཤེས་རབ་རྫོགས་པའི། །དེ་བཞིན་ཉིད་འདི་གསུངས་བར་མཛད། །གང་དུ་གསང་བ་ལས་ཀྱང་ཆེས་གསང་བའི་གསང་བ་ཆེན་པོ་འདི་འཛིན་པའི་རྣལ་འབྱོར་གྱི་དབང་ཕྱུག་དུ་མ་འབྱུང་བ་རྣམས་ནི་ཡེ་ཤེས་དགྱེས་པ་ཆེན་པོས་ཁྱབ་ཅིང་གཉིས་སུ་མེད་པའི་མཉམ་པ་
D453.082.0203a07.01