完整藏文原文 · 德格版页 当前仅加载第 82 函德格 288a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ནི་ཡིད་ཀྱི་རླུང་ཟིན་པའོ། །གཡོ་བཅས་རྣམས་ལ་རེངས་བྱེད་པ། །སྲོག་ནི་བརྟན་པའི་ཚུལ་གྱིས་སུ། །འགྱུར་བ་མེད་པར་གྱུར་པ་གང་། །སྣང་བའི་རླུང་ནི་བརྟན་པའོ། །བརྟན་པའི་ཡལ་ག་རླུང་གི་ལམ། །རབ་ཏུ་གཏོད་པའི་
D453.082.0288a01.01སྦྱོར་བ་ཡིས། །སྲོག་རྩོལ་འབོག་པར་གྱུར་པ་ན། །གཡོ་མེད་བརྟན་པ་ནུས་པ་ཐོབ། །ཚད་དང་གྲངས་ལས་འདས་པ་ཡི། །མཉམ་མེད་ཀུན་འདར་མར་གནས་པས། །རྟོག་པ་མ་ལུས་ནུབ་པའི་ཚེ། །ཉོན་མོངས་བདུད་ལས་རྒྱལ་བ་ཉིད། །རྟོག་པ་
D453.082.0288a02.01ཀུན་ལས་མི་གཡོ་བ། །དེ་ཉིད་ཡེ་ཤེས་རྒྱལ་བ་ཆེ། །སྐྱིལ་ཀྲུང་གཅིག་ལ་གནས་བྱས་ཏེ། །བྱང་ཆུབ་ཤིང་ལ་རྒྱབ་རྟེན་ནས། །མཉམ་བཞག་ཉེ་བར་བཅིངས་པ་ལ། །བསྡམས་གྲོལ་ཁྱད་མེད་གྱུར་པ་དང་། །ཁ་ཟས་གོས་ཀྱི་རྩོལ་མེད་པ། །ཕུང་པོའི་བདུད་
D453.082.0288a03.01ལས་རྒྱལ་བ་ཡིན། །རླུང་ནི་རྒྱུ་བ་མི་ཚོར་དང་། །དབུ་མར་འབྱུང་བ་བརྟན་པ་ཡིས། །དངོས་རྣམས་སྒྱུ་མར་མཐོང་བ་ཡིས། །ལྷ་ཡི་བུ་ཡི་བདུད་ལས་རྒྱལ། །རང་རིག་ཡེ་ཤེས་ཀྱིས་དག་པ། །ཉོན་མོངས་དུག་གསུམ་རླུང་དག་ལ། །ཚར་བཅད་པས་ནི་འཇིག་རྟེན་ལྷའི། །
D453.082.0288a04.01གཟུགས་དག་འགས་པར་བྱེད་པ་ཡིན། །རྗེས་གཟུང་བས་ནི་སླར་སྡུད་པ། །གཅིག་ཏུ་བྱེད་པ་འདི་ལས་འགྲུབ། །ནང་དུ་ཟླ་བའི་རླུང་བཟུང་ནས། །འཁྲུལ་འཁོར་དྲག་སྤྱོད་གཏུམ་པ་ཅན། །ཨཱ་ལི་ལས་བྱུང་དག་པ་ལས། །ཟླ་བས་འཕོ་བར་མི་ནུས་སོ། །གསང་
D453.082.0288a05.01བ་བཟློག་པའི་ཏིང་འཛིན་ལས། །ཆུ་ཚོད་ལྔ་ཡི་བར་དག་ཏུ། །ཉི་མའི་རླུང་ལ་ཀཱ་ལི་ཡིས། །བཅིངས་པས་ཉི་མ་འཕོ་མི་འགྱུར། །གཟུང་དང་འཛིན་པ་རྣམ་བྲལ་བར། །རགས་པ་སྒྲ་ཞེས་བཤད་པ་ཉིད། །ཕྲ་བ་སེམས་ཀྱི་རྣམ་པ་ལས། །རྣམ་རྟོག་རི་བོ་བཅོམ་
D453.082.0288a06.01པའི་ཕྱིར། །ཕྱི་རོལ་རི་བོ་འཇོམས་པ་དང་། །ཐལ་བར་ཡང་ནི་བྱེད་ནུས་པ། །བསམ་པ་ཕུན་སུམ་ཚོགས་པས་སོ། །དུག་གསུམ་ལས་ནི་རང་བཞིན་རྣམས། །ལོག་རྟོག་དྲི་མ་མ་ལུས་པ། །གཞོམ་བྱེད་མི་གཡོར་གནས་བྱས་ནས། །དཔུང་ཆེན་དེངས་པར་ཐེ་ཚོམ་མེད། །
D453.082.0288a07.01