完整藏文原文 · 德格版页 当前仅加载第 82 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་བཅོམ་ལྡན་འདས་དཔལ་རྡོ་རྗེ་འཛིན་པས་དེ་བཞིན་གཤེགས་པ་རིགས་ལྔ་ལ་སོགས་པ་དེ་དག་ཐམས་ཅད་རང་གི་བ་སྤུའི་བུ་གར་ཐིམ་པར་མཛད་ནས། དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་གཉིས་སུ་མེད་པའི་ཡེ་ཤེས་རྣམ་པར་རྒྱལ་བ་འབྱུང་
D453.082.0114a01.01བ་ཞེས་བྱ་བའི་བྱིན་གྱིས་བརླབས་པའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་མ་ཐག་ཏུ་བཅོམ་ལྡན་འདས་དཔལ་རྡོ་རྗེ་འཛིན་པ་ཆེན་པོས་དེ་བཞིན་གཤེགས་པའི་རང་གི་གཟུགས་རྣམས་བུད་མེད་ཀྱི་གཟུགས་སུ་བྱིན་གྱིས་བརླབས་ནས་དེ་ཉིད་ཀྱི་བ་སྤུའི་བུ་ག་
D453.082.0114a02.01རྣམས་ལས་འཐོན་པར་གྱུར་ཏོ། །དེའི་ཕྱིར་བཙུན་མོ་ཐམས་ཅད་ཀྱི་ཡེ་ཤེས་རིན་པོ་ཆེའི་མཆོད་པ་ཐམས་ཅད་བཀོད་པས། དེ་བཞིན་གཤེགས་པ་རྣམས་ལ་ཡང་དག་པར་མཆོད་པ་ནི་ནམ་མཁའི་ཁམས་ཐམས་ཅད་གང་བར་བྱ་སྟེ། སླར་སྐུ་རྡོ་རྗེ་དང་། གསུང་རྡོ་རྗེ་དང་།
D453.082.0114a03.01ཐུགས་རྡོ་རྗེ་རྣམས་ལ་གནས་པར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་མཉེས་པའི་ལྷ་མོ་དེ་དག་བདེ་བ་ཆེན་པོའི་ཀུན་དུ་སྤྱོད་པས་ཡང་དག་པར་མཆོད་པ་བྱེད་པར་གྱུར་པ་ནི་ལ་ལ་ནི་སངས་རྒྱས་སྤྱན་ལྟ་བུ་སའི་བདག་མོའོ། །ལ་ལ་ནི་མཱ་མ་ཀཱི་ལྟར་ཆུའི་བདག་མོ་
D453.082.0114a04.01ཉིད་དོ། །ལ་ལ་ནི་གོས་དཀར་མོ་ལྟར་མེའི་རྣམ་པའོ། །ལ་ལ་ནི་དམ་ཚིག་སྒྲོལ་མ་སྟེ་རླུང་གི་ཁམས་ལ་ཀུན་དུ་སྤྱོད་དོ། །དེ་བཞིན་དུ་གཟུགས་དང་། སྒྲ་དང་། དྲི་དང་། རོ་དང་། རེག་བྱ་རྡོ་རྗེ་ལྟ་བུ་སྟེ། དུས་དང་རྣམ་པ་ཐམས་ཅད་ཏུ་ཡང་དག་པར་མཆོད་པའི་
D453.082.0114a05.01རྒྱུན་གྱིས་མཆོད་པར་བྱེད་དོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་རྡོ་རྗེ་འཛིན་པ་ཆེན་པོས་དེ་བཞིན་གཤེགས་པ་ཐམས་ཅད་དང་། དཀྱིལ་འཁོར་གྱི་འཁོར་ལོ་ལ་གནས་པ་འདི་ཐམས་ཅད་ཀྱི་སྔགས་དང་། བླ་ན་མེད་པ་འདི་ཉིད་ཀྱི་སྐུ་དང་
D453.082.0114a06.01གསུང་དང་ཐུགས་རྡོ་རྗེ་ལས་ཕྱུང་ངོ་། །ཨོཾ་ཨཱཿབཛྲ་དྷྲྀཀ་ཧཱུྃ་སྭཱ་ཧཱ། རྡོ་རྗེ་འཛིན་གྱི་སྔགས་སོ། །ཨོཾ་ཨཱཿབཛྲ་སྤརྵེ་ཧཱུྃ་སྭཱ་ཧཱ། རིག་མ་བླ་ན་མེད་པའི་སྔགས་སོ། །ཨོཾ་ཨཱཿཛི་ན་ཛིཀ་ཧཱུྃ་སྭཱ་ཧཱ། ཨོཾ་ཨཱཿརཏྣ་དྷྲྀཀ་ཧཱུྃ་སྭཱ་ཧཱ། ཨོཾ་ཨཱཿཨཱ་རོ་ལི་ཀ་ཧཱུྃ་སྭཱ་ཧཱ། ཨོཾ་ཨཱཿཔྲཛྙཱ་དྷྲྀཀ་ཧཱུྃ་སྭཱ་ཧཱ།
D453.082.0114a07.01