完整藏文原文 · 德格版页 当前仅加载第 82 函德格 211a 版页；藏文 NFD、目录标记与异常页序保留在来源切片中，重复版页行以稳定序号区分。
ངང་བཞུགས་པ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ནོར་བུའི་ལྷ་སངས་རྒྱས་ཐམས་ཅད་ཀྱི་བསམ་གྱིས་མི་ཁྱབ་པའི་སྙོམས་པར་འཇུག་པ་མཁྱེན་པའི་སྟོབས་སངས་རྒྱས་ཐམས་ཅད་ཀྱི་ཏིང་ངེ་འཛིན་ལ་སྙོམས་
D453.082.0211a01.01པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །བསྐལ་པ་གང་གཱའི་བྱེ་སྙེད་དུ། །སེམས་ཀྱི་རྒྱུན་ནི་མི་འགག་ཕྱིར། །ཏིང་འཛིན་བསམ་གྱིས་མི་ཁྱབ་པའི། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་གྲགས་པ་སངས་རྒྱས་ཐམས་
D453.082.0211a02.01ཅད་ཀྱི་ཀུན་ནས་ཉོན་མོངས་པ་དང་རྣམ་པར་བྱང་བ་མཁྱེན་པའི་སྟོབས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །བྱེ་བ་ཕྲག་ནི་བརྒྱ་ཡི་བར། །ཐུབ་པའི་ཞིང་ཁམས་བདག་པོ་ནི། །ཀུན་དུ་བཟང་པོའི་སྤྱོད་ལས་བྱུང་། །བྱང་ཆུབ་ཚུལ་
D453.082.0211a03.01འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་རྒྱལ་བ་སངས་རྒྱས་ཐམས་ཅད་ཀྱི་ལས་དང་ལས་ཀྱི་རྣམ་པར་སྨིན་པ་མཁྱེན་པའི་སྟོབས་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གང་དུ་རྒྱུ་དང་འབྲས་བུ་ཡི། །སྣང་བ་མི་འགག་
D453.082.0211a04.01སྟོང་པ་ཉིད། །དེ་ཉིད་རང་བཞིན་གྱིས་དག་བརྗོད། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་རྒྱ་ཆེན་སྙིང་པོ་སངས་རྒྱས་ཐམས་ཅད་ཀྱི་ཐམས་ཅད་དུ་སོན་པའི་ལམ་མཁྱེན་པའི་སྟོབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་
D453.082.0211a05.01ཀྱི་སེམས་འདི་གསུངས་སོ། །དཔེར་ན་ནམ་མཁའི་ཁམས་འདི་ནི། །ཐམས་ཅད་རྗེས་སུ་སོག་གྱུར་ཀྱང་། །སེམས་པ་མི་ལྡན་དེ་བཞིན་ཏེ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་བསོད་ནམས་འོད་ཟེར་སངས་རྒྱས་ཐམས་ཅད་ཀྱི་སྔོན་གྱི་
D453.082.0211a06.01གནས་མ་ལུས་པར་མཁྱེན་པའི་སྟོབས་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །འདིར་ནི་སེམས་ཅན་ཁམས་མཐའ་ཡས། །དེ་ཡི་ཆོས་ཉིད་རྗེས་འགྲོ་བ། །རྟོག་པ་མི་མངའ་དེ་ཉིད་དོ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །
D453.082.0211a07.01