完整藏文原文 · 德格版页 当前仅加载第 82 函德格 159b 版页；藏文 NFD、目录标记与异常页序保留在来源切片中，重复版页行以稳定序号区分。
སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ནམ་མཁའི་ཁམས་ཀྱི་སྤྱོད་ཡུལ་བས། །རང་བཞིན་གྱིས་ནི་མི་དམིགས་བཞིན། །དོན་དམ་ཐོབ་ཏུ་མེད་པའི་དོན། །གཞི་མེད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་
D453.082.0159b01.01པ་སྤོས་བཟང་རྡོ་རྗེ་སངས་རྒྱས་ཐམས་ཅད་ཀྱི་སྙིང་པོའི་འོད་ཟེར་ཀུན་ནས་རྒྱས་པས་ལྟ་ངན་སྐྲག་པར་བྱེད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །མཚན་ཉིད་དང་ནི་མཚན་གཞི་མེད། །གང་དུ་རོ་མཉམ་ཟུང་འཇུག་
D453.082.0159b02.01པས། །དབྱེར་མེད་རྟོགས་པ་རྒྱལ་པོ་ཆེ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཡུལ་འཁོར་རངས་པ་རྡོ་རྗེ་སངས་རྒྱས་ཐམས་ཅད་ཀྱི་གཤེགས་པ་དང་བྱོན་པ་རྗེས་སུ་འགྲོ་བ་སྟོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་
D453.082.0159b03.01ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །མི་གཡོ་འགྱུར་བ་མེད་པ་ལས། །དེ་བཞིན་ཉིད་དུ་བསྟན་པ་ཡིས། །འཇུག་ཅིང་འབྱུང་བ་གསང་བ་ཆེ། །སྙིང་པོ་ཡེ་ཤེས་ཚུལ་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་བདེ་གྲགས་དཔལ་
D453.082.0159b04.01སངས་རྒྱས་ཐམས་ཅད་ཀྱི་དངོས་གྲུབ་གནས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །དངོས་གྲུབ་སྙིང་པོ་བདུད་རྩིའི་བཅུད། །གྲུབ་པའི་བླ་མའི་གདམས་པ་ལས། །ཐོབ་འགྱུར་དེ་བས་གཞན་དུ་མིན། །གསང་
D453.082.0159b05.01བ་ཚུལ་འདི་བསྟན་པའོ། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི། །མཛད་པའི་སྣ་ཚོགས་གདུལ་དོན་དུ། །ཕྱོགས་བཅུའི་ཞིང་ཁམས་མ་ལུས་པར། །ཕྱི་ནང་གསང་བའི་ཚུལ་དག་གིས། །ཐེག་པ་མཆོག་ཏུ་ཡོངས་གྲགས་པའི། །རྡོ་རྗེ་
D453.082.0159b06.01ཐེག་པའི་ལམ་གྱུར་འདི། །རྒྱལ་བ་རྒྱ་མཚོ་མ་ལུས་པའི། །ཐུགས་ཀྱི་སྙིང་པོ་གསང་བ་ཡིན། །སྐུ་དང་གསུང་གི་རྡོ་རྗེ་འདིར། །སྙིང་པོ་ཀུན་དུ་འདུས་པའི་ཕྱིར། །རྣལ་འབྱོར་བས་ནི་རྟག་ཏུ་སྤྲོས། །འདིར་ནི་སྔོན་ཆད་བསྟན་པའང་མེད། །མ་འོངས་པ་ནའང་འབྱུང་
D453.082.0159b07.01