完整藏文原文 · 德格版页 当前仅加载第 82 函德格 320a 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེ་གསུམ་སྦྱོར་བ་ཡིས། །སྐྱེད་པ་འདི་ནི་རྣམ་པར་བསམ། །ཞལ་གསུམ་པ་ལ་ཕྱག་དྲུག་པ། །མ་རྒད་ཏ་དང་ཆ་དགུ་པ། །འཁོར་ལོ་ཨུཏྤལ་སྡོང་བུ་དང་། །རལ་གྲི་འབར་བ་བསྣམས་པར་བསམ། །རྒྱན་རྣམས་ཐམས་ཅད་ཡོངས་
D453.082.0320a01.01རྫོགས་པ། །ཅུང་ཟད་སེར་པོ་རྡོ་རྗེ་འགྱིང་། །ཞི་བ་ཐོར་ཚུགས་དབུ་རྒྱན་ཅན། །དེ་བསམས་རྒྱས་པའི་ལས་ཀུན་ལ། །མྱུར་བ་ཉིད་དུ་གྲུབ་པར་བྱེད། །འདི་ནི་སྔགས་རྣམས་ཐམས་ཅད་ཀྱི། །དམ་ཚིག་ཤིན་ཏུ་འདའ་དཀའ་བའོ། །རྡོ་རྗེ་དཔའ་བོའི་རླབས་ཀྱི་ཕྲེང་བ་
D453.082.0320a02.01ཞེས་བྱ་བའི་ཏིང་ངེ་འཛིན་ཏོ། །སྐུ་གསུང་ཐུགས་ཀྱི་རྡོ་རྗེ་ལས། །ལུས་དང་ངག་དང་སེམས་བསྒོམ་པ། །སྦྱོར་ཚུལ་ཉིད་ཀྱིས་བྱ་བ་སྟེ། །འདིས་ནི་དངོས་གྲུབ་མྱུར་འཐོབ་བྱེད། །དམ་ཚིག་བསྐུལ་བ་བྱང་ཆུབ་སེམས། །འགྲོ་བའི་དོན་དུ་རབ་འཇུག་པ། །རྡོ་རྗེ་གསུམ་
D453.082.0320a03.01དབྱེར་མེད་གཟུགས་ཅན། །དེ་ཉིད་ལས་ཀྱི་ཕྱག་རྒྱར་བརྗོད། །དམ་ཚིག་སྟོང་པ་བདེ་བ་ཆེ། །འོད་ཟེར་སྤྲོ་ཞིང་སྡུད་པར་མཛད། །འགྲོ་ལ་དངོས་གྲུབ་རྒྱུན་བྱེད་པས། །ཆོས་ཀྱི་ཕྱག་རྒྱ་ཡེ་ཤེས་ཆེ། །གསང་བ་དམ་ཚིག་བོད་པ་ནི། །སྲོག་གི་སྙིང་པོར་གྱུར་པ་
D453.082.0320a04.01ཡི། །ས་བོན་སྔགས་ལས་རབ་གྲུབ་པ། །དེ་ཉིད་ལས་ནི་འདའ་མི་བྱེད། །རྩ་གསུམ་རླུང་གསུམ་སྐུ་གསུམ་ནི། །ཐིག་ལེ་སྔགས་ཀྱི་སྦྱོར་བས་ནི། །བཅིང་བ་རབ་གྲོལ་ཕྱག་རྒྱ་ཆེ། །དེ་ཉིད་སྐུ་གསུམ་དག་པའི་བདག །སྐུ་དང་གསུང་དང་ཐུགས་དང་
D453.082.0320a05.01ནི། །དབྱེར་མེད་རྡོ་རྗེའི་དམ་ཚིག་གནས། །དབང་བཞིའི་ལམ་གྱི་དམ་ཚིག་ལས། །རང་གི་ངོ་བོའི་དམ་ཚིག་དང་། །སྤྱོད་པའི་ལམ་དང་ལྡན་པ་དང་། །ལོངས་སྤྱོད་ཡན་ལག་དམ་ཚིག་སྟེ། །གསང་བ་བསྲུང་བའི་གནས་དང་ནི། །དེ་ཉིད་བཟའ་བའི་དམ་ཚིག་སྟེ། །
D453.082.0320a06.01རྣམ་པ་རང་བཞིན་ངོ་བོ་དང་། །མཚན་ཉིད་ལྡན་པས་དང་པོ་ཡིན། །སྣང་བ་རང་བཞིན་བདག་ཉིད་ཅན། །དབྱེར་མེད་སྦྱོར་བའི་ཚུལ་ལྡན་པ། །རིགས་སུ་དབྱེ་བ་ཁྱད་པར་གང་། །རིགས་སུ་སྒྲུབ་པ་ཐུན་མོང་ཚུལ། །འདི་དག་གསུམ་པའི་དོན་བསྟན་པའོ། །ལོངས་
D453.082.0320a07.01