完整藏文原文 · 德格版页 当前仅加载第 82 函德格 297b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར། །ཉེར་ལེན་རང་སར་གྲོལ་བའི་གནས། །ཆོས་རྣམས་བར་སྣང་གློག་བཞིན་དུ། །རང་རིག་ཡིད་ཀྱི་རྣམ་ཤེས་ཀྱིས། །ཀུན་དུ་ཁྱབ་པར་རྒྱུ་བ་ནི། །རྩ་བ་ལས་རླུང་དག་པར་བྱ། །ཆོས་ཀུན་ཆུ་ཡི་ཆུ་བུར་ནི། །རྒྱ་མཚོ་ལས་བྱུང་ཇི་བཞིན་པར། །
D453.082.0297b01.01ཆོས་ཉིད་སྣ་ཚོགས་རྒྱ་མཚོ་ལས། །རྟོག་པའི་དྲ་བ་དག་པར་བྱ། །ཆོས་རྣམས་སྒྱུ་མ་ལྟ་བུར་འཆར་བ་ཡང་། །གང་དུ་རླུང་སེམས་གཅིག་ཏུ་མ་དག་ན། །འཁྲུལ་པ་སྒྱུ་མ་ལྟ་བུར་དངོས་ལ་ཞེན། །དེ་ཉིད་སྲིད་པ་ཀུན་དུ་སྟོན་པ་ཡིན། །དེ་ཉིད་དག་པས་སྣང་
D453.082.0297b02.01བའི་མངོན་ཞེན་བྲལ། །རྟོག་པ་ལོག་པས་བརྟན་གཡོ་སྒྱུ་མར་འཆར། །དངོས་རྣམས་ཀུན་ལ་ཆགས་པ་མེད་པ་ནི། །རྣམ་པ་སྣ་ཚོགས་སྒྱུ་མའི་ཚུལ་ཤེས་ཕྱིར། །སྒྱུ་མར་བཞི་སྤྲོས་པ་མེད་པ་སྟེ། །གནས་མེད་ཆོས་ཀྱི་དབྱིངས་ལ་དེ་གནས་བྱེད། །ཆོས་
D453.082.0297b03.01རྣམས་ཀུན་དག་སྒྱུ་མ་ཐ་དད་མེད། །དབྱེ་བ་རྡུལ་ཙམ་དུ་ནི་དམིགས་མི་འགྱུར། །རང་ལུས་སྒྱུ་མའི་རྣམ་པར་རབ་ཤེས་པས། །འགྲོ་ཀུན་སྐྱེས་པ་བུད་མེད་སྣ་ཚོགས་པ། །ཐམས་ཅད་གཟུགས་ནི་སྒྱུ་མའི་སྣང་བ་ལས། །མཁས་པ་སུ་དག་དེ་ལས་གཞན་དུ་སྤྱོད། །
D453.082.0297b04.01དེ་ལྟར་སྒྱུ་མ་ཆགས་མེད་སྣ་ཚོགས་པའི། །གནས་ཀྱི་དབང་ཕྱུག་དེ་ལ་ཞེན་མི་བྱེད། །འཇིག་རྟེན་དངོས་དང་དངོས་མེད་གང་གནས་པ། །སྒྱུ་མའི་ཚུལ་གྱིས་གནས་པ་མེད་པར་གནས། །སྒྱུ་མ་ཉིད་དུ་ཡང་དག་རབ་གྲོལ་བས། །དེ་བཞིན་ཉིད་ལ་མཉམ་པར་གཞག་
D453.082.0297b05.01བ་དང་། །རྗེས་ཐོབ་གཉིས་མེད་སྒོམ་དང་བསྒོམ་བྱ་བྲལ། །སེམས་མེད་དེ་ལ་སེམས་ལས་གཞན་པའི་ཆོས། །འཇིག་རྟེན་ཐ་སྙད་ཙམ་དུའང་མི་བརྗོད་དེ། །ངོ་བོ་ཉིད་ཀྱིས་མ་སྐྱེས་སྒྱུ་མའི་སྐུ། །སྐྱེ་མེད་ནམ་མཁའི་སྒྱུ་མ་འདི་ལ་ལྟོས། །ཐམས་ཅད་སྟོང་ཉིད་གཟུགས་
D453.082.0297b06.01ཀྱི་གླང་པོ་དང་། །ཤིང་རྟ་མ་ཧེ་འཁོར་ལོས་སྒྱུར་རྒྱལ་གྱི། །རིན་ཆེན་བདུན་དང་དཔུང་ཆེན་ཐམས་ཅད་ཀུན། །སྒྱུ་མའི་གཟུགས་ཉིད་དེ་ཡི་འབྲས་བུ་ལས། །གང་དུ་འབྱུང་ཞིང་གང་དུའང་སོང་བ་མེད། །འགྲོ་འོང་གནས་སྒྱུ་རྒྱུ་འབྲས་སྒྱུ་མའི་ཆོས། །འདི་ནི་ལྗོན་ཤིང་
D453.082.0297b07.01