完整藏文原文 · 德格版页 当前仅加载第 82 函德格 188a 版页；藏文 NFD、目录标记与异常页序保留在来源切片中，重复版页行以稳定序号区分。
ཏིང་ངེ་འཛིན་ལ་སྙོམས་བར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །ཆོས་རྣམས་རྨི་ལམ་གཟུགས་སྣང་ལྟར། །བག་ཆགས་སྣང་བ་རང་དག་པར། །དྲི་མ་སྦྱང་ཕྱིར་བསྟན་པ་དག །དེ་ཉིད་ཚུལ་འདི་བསྟན་པའོ། །ཞེས་
D453.082.0188a01.01གསུངས་སོ། །དེ་ནས་དེ་བཞིན་གཤེགས་པ་སྣང་བའི་མེ་ཏོག་སངས་རྒྱས་ཐམས་ཅད་ཀྱི་ཆུ་ཟླ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །གཅིག་གིས་དུ་མར་ཁྱབ་པ་ཡི། །ངོ་བོ་རང་སྟོང་ཐིག་ལེ་གཅིག །ཞེན་
D453.082.0188a02.01མེད་ཕྱག་རྒྱ་འབྱུང་བ་ཡི། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཚོགས་ཅན་འོད་སངས་རྒྱས་ཐམས་ཅད་ཀྱི་དྲི་ཟའི་གྲོང་ཁྱེར་ལྟ་བུར་འཆར་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་
D453.082.0188a03.01འདི་གསུངས་སོ། །འཇིག་རྟེན་འདས་དང་འཇིག་རྟེན་པའི། །དག་པའི་ཡེ་ཤེས་ཡང་དག་པ། །བཅིངས་པ་མེད་ཅིང་གྲོལ་བའང་མེད། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་སྐྲུན་པར་མཛད་པ་སངས་རྒྱས་
D453.082.0188a04.01ཐམས་ཅད་ཀྱི་སྦྲུལ་བ་ལྟ་བུར་སྟོན་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །གང་དུ་སངས་རྒྱས་རྣམས་དང་ནི། །ཉན་ཐོས་རང་རྒྱལ་བྱང་ཆུབ་སེམས། །དེ་སྤྲུལ་དམན་པར་མོས་བ་འདུལ། །བྱང་ཆུབ་ཚུལ་
D453.082.0188a05.01འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་མདངས་འགྲོ་དཔལ་སངས་རྒྱས་ཐམས་ཀྱི་ཆུའི་ཆུ་བུར་ལྟ་བུར་མཁྱེན་པ་བླ་ན་མེད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །ལན་
D453.082.0188a06.01ཚྭ་རྒྱ་མཚོར་ཐིམ་པ་ལྟར། །དབའ་རླབས་ཞི་བའི་རང་བཞིན་གྱིས། །ཐོབ་མེད་ཡེ་ཤེས་སྦྱོར་དོན་འགྲོ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཐུབ་པ་དོན་ལེགས་དེས་སངས་རྒྱས་ཐམས་ཅད་ཀྱི་མིག་ཡོར་སྟོང་
D453.082.0188a07.01