完整藏文原文 · 德格版页 当前仅加载第 82 函德格 199a 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གང་དུ་སྦྱངས་བའི་ཡོན་ཏན་ནི། །བཅུ་གཉིས་དེ་བཞིན་གཤེགས་པ་ཡི། །སྦྱོར་ཚུལ་ཡེ་ཤེས་གསང་བ་ཡིན། །དེ་ཉིད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཚངས་པའི་
D453.082.0199a01.01དབྱངས་སངས་རྒྱས་ཐམས་ཅད་ཀྱི་ཚངས་པར་སྤྱོད་པ་ཚད་མེད་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །བརྟུལ་ཞུགས་སྡོམ་པས་བདེ་ཐོབ་སྟེ། །ཚུལ་ཁྲིམས་ཀྱིས་ནི་ཏིང་འཛིན་དང་། །བསམ་གཏན་ཤེས་རབ་ཡོངས་གྲོལ་སྐྱེ། །དེ་ཉིད་བྱང་
D453.082.0199a02.01ཆུབ་དགྲ་བཅོམ་འགྱུར། །ཞེས་གསུངས་སོ། །དེ་ནས་དེ་བཞིན་གཤེགས་པ་ཡོན་ཏན་མཆོག་སངས་རྒྱས་ཐམས་ཅད་ཀྱི་གནས་གོས་པ་མེད་པའི་ཚུལ་རྡོ་རྗེ་སངས་རྒྱས་ཐམས་ཅད་ཀྱི་ཐིམ་པ་རྡོ་རྗེ་སྟོན་པའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ལན་ཚྭ་
D453.082.0199a03.01ཆུ་ལ་ཐིམ་པ་ལྟར། །འདྲེས་པས་སོ་སོ་དམིགས་པ་བྲལ། །གཅིག་ཏུ་བྱེད་པའི་བསམ་གཏན་མཆོག །དེ་ཉིད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་འབྲུག་སྒྲའི་དབྱངས་སངས་རྒྱས་ཐམས་ཅད་ཀྱི་གཤེགས་པ་དང་བཞུད་པ་དམིགས་པ་མེད་པ་རྡོ་རྗེ་
D453.082.0199a04.01ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །རྒྱུན་ཆད་མེད་པའི་བྱང་ཆུབ་སེམས། །དེ་ཉིད་འགྲོ་འོང་བྲལ་བའི་སེམས། །ཆུ་ལ་ཆུ་བཞག་གནས་པ་ལས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་འདི་ནི་གསུངས་ཙམ་གྱིས།།
D453.082.0199a05.01སྐུ་གསུམ་དབྱེར་མེད་རྡོ་རྗེ་ཅན། །མཉེས་པའི་སྤྱན་ནི་གདངས་ནས་སུ། །རྡོ་རྗེ་ཐུགས་ནི་རྗེས་སུ་དྲན། །སྤྲོས་པའི་སྤྱོད་པ་ལ་གནས་པ། །མཚན་མེད་སྤྲོས་པ་མེད་པ་ཡི། །རྡོ་རྗེ་གླུ་ཡིས་ཡོངས་བསྐུལ་བའི། །ལྷ་མོའི་ཚོགས་དང་ལྷན་ཅིག་རོལ། །སེམས་དཔའ་གསུམ་དང་ལྡན་པ་ཡི། །
D453.082.0199a06.01སྦྱོར་བ་རང་གཟུགས་རྒྱུ་མཐུན་པ། །དཀྱིལ་འཁོར་དབུས་སུ་གནས་པ་ཡི། །གཙོ་བོ་སངས་རྒྱས་བདག་པོའི་སྐུ། །རིག་མ་མངོན་པར་བསྔགས་པས་ནི། །གནས་བཞི་རྣམས་སུ་ལྷ་མོ་བཞི། །རྟག་ཏུ་སྦྱོར་བས་བསྒོམ་པར་བྱ། །རྒྱན་རྣམས་ཐམས་ཅད་ཡོངས་སུ་རྫོགས། །མཚན་གྱིས་
D453.082.0199a07.01