完整藏文原文 · 德格版页 当前仅加载第 82 函德格 181a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་དྲག་ཤུལ་ཅན་གྱིས་བྱིན་པ་སངས་རྒྱས་ཐམས་ཅད་ཀྱི་གྲངས་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །དེ་ཉིད་མཉམ་པ་མེད་པ་ཡི། །རྡོ་རྗེ་ཟླ་བ་འདུས་ལས་འབྱུང་། །ཐ་དད་
D453.082.0181a01.01དམིགས་པ་རབ་ཞི་བས། །དེ་ཉིད་ཚལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཆོས་ཀྱི་དབང་ཕྱུག་རྒྱལ་པོ་སངས་རྒྱས་ཐམས་ཅད་ཀྱི་ཡེ་ཤེས་སྐྱོབ་པ་བླ་ན་མེད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་
D453.082.0181a02.01ཆུབ་ཀྱི་སེམས་འདི་གསུངས་སོ། །ཡེ་ཤེ་འབྱུང་གནས་ས་ཆེན་ལྟར། །དེ་ཉིད་བདེན་མཐོང་ཆོས་ཀྱི་སྤྱན། །ཤེས་རབ་ཟབ་མོའི་སྤྱོད་ཡུལ་གང་། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་གཟི་བརྗིད་
D453.082.0181a03.01མཐའ་ཡས་པའི་འོད་སངས་རྒྱས་ཐམས་ཅད་ཀྱི་ཞིང་ཁམས་ཡོངས་སུ་དག་པར་སྟོན་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །མཁྱེན་པ་དག་པ་ཆོས་ཀྱི་དབྱིངས། །རྣམ་པ་ཀུན་ཏུ་རང་བྱུང་བས།།
D453.082.0181a04.01འགྲོ་བའི་བསམ་པ་རྫོགས་མཛད་པ། །ཐུབ་པ་ཡེ་ཤེས་ཚུལ་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་འོད་ཟེར་ཆེན་པོས་ཁྱབ་པར་མཛད་པས་སངས་རྒྱས་ཐམས་ཅད་ཀྱི་ཐོགས་པ་མེད་པའི་གནས་པ་སྤྱོད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་
D453.082.0181a05.01སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །ཟིལ་གནོན་ཆོས་ནི་གསང་བ་ཆེ། །མི་ཟད་རྒྱན་གྱི་སྒྲུབ་པའི་གཞི། །དེ་ཉིད་ངེས་པ་སྟོབས་གྱུར་པས། །དེ་ཉིད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་རིན་ཆེན་གྲགས་པའི་དཔལ་སངས་
D453.082.0181a06.01རྒྱས་ཐམས་ཅད་ཀྱི་མཛད་པ་སྣ་ཚོགས་སྟོན་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །འཇིག་རྟེན་ཁམས་ནི་སྣ་ཚོགས་སུ། །འགྲོ་བ་འདུལ་བའི་ཐབས་ཀྱི་ཕྱིར། །རྣམ་རོལ་ཡེ་ཤེས་སྤྱོད་པ་ཡིས། །
D453.082.0181a07.01