完整藏文原文 · 德格版页 当前仅加载第 82 函德格 313a 版页；藏文 NFD、目录标记与异常页序保留在来源切片中，重复版页行以稳定序号区分。
བསྐུལ་ཏེ། །འོད་ཀྱིས་ལུས་ཀྱི་ནང་ཁེངས་ཤིང་། །སྣ་བུག་གཡས་ནས་བྱུང་ནས་ཀྱང་། །དེར་གནས་པ་ཡི་འགྲོ་ཀུན་གྱི། །སྣ་བུག་གཡོན་དུ་ཞུགས་བྱས་ཏེ། །ཀུན་ལ་འོད་འབར་འཁོར་བ་ཡིས། །ལུས་ནང་རབ་ཏུ་ཁེངས་པར་བསམ། །དེ་ནས་བདུད་རྩི་ལུས་ལ་
D453.082.0313a01.01གཏོར། །རོལ་མོའི་སྒྲ་ནི་སྣ་ཚོགས་བྱ། །དེས་ནི་བསྐུལ་བར་ཐེ་ཚོམ་མེད། །གལ་ཏེ་ལུས་ངག་ཡིད་གསུམ་ལ། །རྟགས་རྣམས་ངེས་པར་མ་བྱུང་ན། །ལན་གསུམ་བར་དུ་བཟླས་པར་བྱ། །དེས་ནི་ངེས་པར་བསྐུལ་གྱུར་པའི། །འགུལ་བ་དང་ནི་བསྐྱོད་པ་སོགས། །མ་ལུས་
D453.082.0313a02.01སྔགས་ཀྱི་ཚིག་འབྱུང་སྟེ། །འདི་ཡིས་བསྐུལ་བ་མ་ལུས་པའི། །གསང་བ་རབ་ཏུ་གྱུར་པ་ཡིན། །དཀྱིལ་འཁོར་ཀུན་གྱི་གསང་བ་ཡི། །ཡེ་ཤེས་མཆོག་ཏུ་བརྟག་པའོ། །དེ་ནས་རྒྱལ་པོ་རྡོ་རྗེ་འཛིན། །དེ་བཞིན་གཤེགས་པ་ཀུན་གྱི་བདག །སྐུ་གསུམ་གནས་ནི་ཡོངས་དག་པས། །རྡོ་རྗེ་
D453.082.0313a03.01གསུང་གིས་བཀའ་སྩལ་ཏོ། །དེ་བཞིན་གཤེགས་པ་ཐམས་ཅད་ཀྱི་ཀུན་རྟོག་དག་པར་བྱེད་པར་རྡོ་རྗེ་ཞེས་བྱ་བའི་ཏིང་ངེ་འཛིན་རབ་ཏུ་བསྟན་པའོ། །གང་དུ་དུག་གསུམ་ཆ་ལས་ནི། །རྟོག་པའི་སྣང་བ་རྒྱས་པ་ལས། །རང་བཞིན་འབྱུང་བར་གྱུར་པ་དག །ཐབས་ཀྱི་རང་བཞིན་
D453.082.0313a04.01ཤེས་རབ་ཀྱི། །ཡི་གེས་དག་པར་བྱེད་པ་དང་། །ཤེས་རབ་རང་བཞིན་གྱུར་པ་ལ། ཐབས་ཀྱི་ཡི་གེས་དག་པར་བྱེད། །གང་དུ་འགྲོན་པར་གྱུར་པ་ལ། །ཐ་མི་དད་པའི་ཡི་གེ་ཡིས། །རྟོག་པ་མངོན་པར་སྦྱང་བ་སྟེ། །གཡས་རྩལ་ནི་བརྟེན་ནས་ནི། །ཞེ་སྡང་རྟོག་པ་གཙོ་གྱུར་པ། །
D453.082.0313a05.01གཡོན་རྩལ་ནི་བརྟེན་པ་ཡིས། །འདོད་ཆགས་རྟོག་པ་གཙོར་བྱེད་འབྱུང་། །སྒྲ་གཅན་ལ་ནི་བརྟེན་ནས་ནི། །མ་རིག་པ་ནི་འབྱུང་ཞིང་འགྲོ། །གནས་པ་ལུས་ཀྱི་ཡི་གེ་ལས། །འཁོར་བསྐྱེད་བྱེད་རྟོག་པ་འབྱུང་། །དེ་ཉིད་རང་བཞིན་རྟོག་པ་ཡིས། །སྲོག་དང་རྩོལ་བ་ལ་སྐྱངས་ཏེ། །ཕོ་མོ་མ་
D453.082.0313a06.01ནིང་རླུང་འདི་དག །ཅུང་ཟད་དུལ་བར་གྱུར་པ་ན། །ལམ་གྱི་ཆོས་འབྱུང་རྟགས་འཆར་བྱེད། །རླུང་ཉིད་ཉིད་ཤིན་ཏུ་དག་པ་ཡིས། །ཡི་གེ་གསང་སྔགས་དག་གྱུར་བར། །རྟོག་པ་ཡེ་ཤེས་ཆེན་པོར་འཆར། །ཨ་ཞེས་བྱ་བ་མི་ཆགས་བྱེད། །ཨཱ་ཞེས་བྱ་བས་བར་མར་གནས། །ཨི་ཞེས་བྱ་བ་
D453.082.0313a07.01