完整藏文原文 · 德格版页 当前仅加载第 82 函德格 138a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཀྱི་ཆོས་ཉིད་ཀྱི་མེ་ལོང་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །དྲི་མེད་ཡེ་ཤེས་སྒྱུ་མའི་ངང་། །ཕུང་པོ་ལ་སོགས་རྟོག་བྲལ་བ། །འདི་ནི་ཀུན་རྫོབ་རྣམ་ཐར་སྒོ། །རྡོ་རྗེ་ཚུལ་འདི་བསྟན་པའོ། །ཞེས་གསུངས་
D453.082.0138a01.01སོ། །དེ་ནས་བཅོམ་ལྡན་འདས་སྒྲ་གཅན་ལྷས་དེ་བཞིན་གཤེགས་པ་ཐམས་ཅད་ཀྱི་ཀུན་ནས་ཡེ་ཤེས་ཀྱི་སྒོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ལས་དང་ལས་ཀྱི་འབྲས་བུ་ནི། །ཀུན་ནས་དཀྲིས་པ་སྣ་ཚོགས་པ། །སྟོང་
D453.082.0138a02.01ཉིད་ཡེ་ཤེས་མེས་བསྲེག་པ། །རྡོ་རྗེའི་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་རི་བོའི་རྒྱལ་མཚན་གྱིས་འཁོར་བ་སྣ་ཚོགས་པའི་མུན་པ་སེལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་
D453.082.0138a03.01གསུངས་སོ། །རྣམ་པར་གྲོལ་བ་བདེ་བ་ཡི། །འཇིག་རྟེན་ལྷ་ལས་འདས་ནས་ནི། །སྣང་བ་མེད་པའི་དབྱིངས་སུ་འགྲོ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་རིན་ཆེན་སྙིང་པོས་སྲིད་པ་ཐམས་ཅད་དབུགས་འབྱིན་པར་བྱེད་པ་ཞེས་བྱ་བའི་
D453.082.0138a04.01ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །འགྲོ་བའི་མཚན་མའི་དངོས་པོ་རྣམས། །སྲིད་གསུམ་རང་བཞིན་མེད་མཐོང་བས། །ཡེ་ཤེས་འོད་གསལ་མི་ཕྱེད་པའི། །གསང་བའི་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་
D453.082.0138a05.01ཤིན་ཏུ་མཐོར་གཤེགས་ཀྱིས་སངས་རྒྱས་ཐམས་ཅད་ཀྱི་ཆོས་ཉིད་གཅིག་པའི་ལམ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སྣང་བ་དང་ནི་མུན་པ་དག །རྟོག་པའི་ཆོས་ཉིད་གཟིགས་མེད་ཕྱིར། །ཐ་དད་སྣང་བ་ནུབ་པའི་དངོས། །ཡེ་ཤེས་
D453.082.0138a06.01ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་སྐར་རྒྱལ་སངས་རྒྱས་ཐམས་ཅད་ཀྱི་འཁོར་ལོ་བསྐོར་བ་ཆོས་ཀྱི་ལམ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །འདི་ནི་སྒྲིབ་པ་མེད་པའི་ལམ། །སྡུག་
D453.082.0138a07.01