完整藏文原文 · 德格版页 当前仅加载第 82 函德格 269a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་ཡེ་ཤེས་ལྡན་པ་དག་ལ་ཀུན་དུ་འཇུག་པར་བྱེད་དོ། །དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་དེ་དག་ཐམས་ཅད་ཀྱིས་ཟབ་པ་བླ་ན་མེད་པ་བརྗོད་དུ་མེད་པའི་གནས་ལས་རྒྱ་མཚོ་ལྟར་རྣམ་པར་གྲོལ་བ་སྟོན་པ་ཤིན་ཏུ་ངོ་མཚར་ཏེ་ལེགས་སོ་ལེགས་སོ་
D453.082.0269a01.01ཞེས་བྱ་བར་བརྗོད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་བཟང་པོ་སྤྱོད་པ་ཚད་མེད་པ་དང་ཏིང་ངེ་འཛིན་ལ་འབྱམ་ཀླས་པ་རབ་ཏུ་བསྒྲུབ་པའི་དགོངས་པས་ཆོས་ཀྱི་དབྱིངས་དང་གཉིས་སུ་མེད་པར་ཀུན་ཏུ་རོལ་པ་སྟོན་པར་མཛད་དོ། །དེ་བཞིན་གཤེགས་པ་
D453.082.0269a02.01ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་གསང་བ་འདུས་པ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྒྱུད་ལས་སངས་རྒྱས་ཐམས་ཅད་ཀྱི་རྣམ་པར་འཕྲུལ་པ་རྨད་དུ་གྱུར་པ་སྟོན་པའི་ལེའུ་སྟེ་དྲུག་ཅུ་ལྔ་པའོ།། །།དེ་ནས་བཅོམ་
D453.082.0269a03.01ལྡན་འདས་དེ་བཞིན་གཤེགས་པ་སྟོང་འཇིག་རྟེན་གྱི་ཁམས་མི་མཇེད་ཀྱི་ཞིང་དུ་མངོན་པར་རྫོགས་པར་བྱང་ཆུབ་པར་གྱུར་ཅིང་གསང་བ་ཆེན་པོའི་འོག་མིན་གྱི་གནས་སུ་འཇིག་རྟེན་གྱི་ཁམས་ཐམས་ཅད་ཀྱི་སྤྲོས་པ་ལས་འདས་ཤིང་བརྗོད་དུ་མེད་པའི་ཡང་བརྗོད་དུ་མེད་པ་སངས་རྒྱས་
D453.082.0269a04.01སྟོང་མངོན་པར་སངས་རྒྱས་ནས་རེ་རེ་ཞིང་ལ་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དང་། བླ་ན་མེད་པའི་འབུམ་ཕྲག་དཔག་ཏུ་མེད་པས་ཡོངས་སུ་བསྐོར་ཅིང་མདུན་དུ་བདར་ཏེ་གནས་པ་ལ་ཆོས་ཀྱི་འཁོར་ལོ་བསྐོར་བ་དང་བཅས་པ་རེ་རེ་ཞིང་ལ་ཡང་བྱང་ཆུབ་སེམས་
D453.082.0269a05.01དཔའ་ཕྱག་ན་རྡོ་རྗེ་དང་། བྱང་ཆུབ་སེམས་དཔའ་ཚངས་པའི་རྒྱལ་པོ་དྲུང་ན་འཁོད་པ་ཡོངས་སུ་སྣང་བར་གྱུར་ཏོ། །དེ་དག་ཀྱང་བྱང་ཆུབ་ཀྱི་སྙིང་པོ་གསང་བ་བླ་ན་མེད་པའི་དཀྱིལ་འཁོར་གྱི་འཁོར་ལོ་དང་བཅས་པ་ཡོངས་སུ་སྣང་བ་ཆེན་པོས་ཁྱབ་པར་གྱུར་ཏེ། སེམས་ཅན་
D453.082.0269a06.01གྱི་ཁམས་མ་ལུས་ཤིང་ལུས་པ་མེད་པའི་འཇིག་རྟེན་དུ་དེ་བཞིན་གཤེགས་པ་དེ་དག་གིས་སྐུ་གསུང་ཐུགས་ཀྱི་གསང་བ་བསམ་གྱིས་མི་ཁྱབ་པས་འཇུག་པར་བྱེད་ཅིང་བྱིན་གྱིས་རློབ་པར་བྱེད་ལ། ཡེ་ཤེས་ཡངས་པའི་སྤྱན་གྱིས་ཆོས་ཀྱི་དབྱིངས་མི་ཟད་པ་རྡོ་རྗེའི་ཏིང་ངེ་འཛིན་ལ་རབ་ཏུ་གནས་
D453.082.0269a07.01