完整藏文原文 · 德格版页 当前仅加载第 82 函德格 186a 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་པའི་ལྡོག་པ་ཡིས། །དབྱེ་བས་ཐ་དད་ཤེས་པར་བྱ། །འདི་ནི་སྙིང་པོའི་ཚུལ་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཡེ་ཤེས་ལ་དགྱེས་བ་སངས་རྒྱས་ཐམས་ཅད་ཀྱི་དཔལ་ཞིང་ཁམས་བཀོད་པ་ཕྲེང་བ་ཞེས་བྱ་བའི་ཏིང་ངེ་འཛིན་ལ་
D453.082.0186a01.01སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །སངས་རྒྱས་ཀུན་གྱི་ཞིང་ཁམས་གང་། །སྣང་མཛད་རྒྱལ་པོའི་འོད་ཀྱི་སྐུས། །རྟེན་མཛད་ཡེ་ཤེས་སྣང་བ་ཉིད། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་
D453.082.0186a02.01ཐུབ་པ་ལྷ་བདེན་སངས་རྒྱས་ཐམས་ཅད་ཀྱི་ཡེ་ཤེས་ཀྱི་སྣང་བ་བཻ་ཌཱུརྱར་སྟོན་པའི་དཔལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །འགྱུར་བ་མེད་པའི་རིན་པོ་ཆེ། །གཅིག་ཏུ་སྒྱུར་བར་བྱེད་པ་ཅན། །ནོར་བུ་རྟོག་པའི་བློ་བྲལ་བ། །
D453.082.0186a03.01ངེས་པར་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ནོར་བུའི་སྙིང་པོ་སངས་རྒྱས་ཐམས་ཅད་ཀྱི་མུན་པ་སྨག་རུམ་སེལ་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །འཁོར་བའི་བའི་མུན་པ་
D453.082.0186a04.01སེལ་བ་ཡི། །བྱིན་བརླབས་འོད་ཀྱི་སྒྲོན་མ་ཡིས། །སྣང་བ་སྟོན་ཅིང་འཇོམས་པ་གང་། །བྱང་ཆུབ་ཚུལ་འདི་བསྟན་པའོ། ཞེས་གསུངས་སོ། །དེ་ནས་དེ་བཞིན་གཤེགས་པ་དཔལ་ཡེ་ཤེས་ཀྱི་སྙིང་པོ་སངས་རྒྱས་ཐམས་ཅད་ཀྱི་རྟོག་པའི་རྒྱལ་པོ་དག་པ་ཞེས་བྱ་བའི་ཏིང་
D453.082.0186a05.01ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །སྙིང་པོར་གྱུར་པ་རང་སྲོགས་ལས། །མི་ཤིགས་གོ་འཕང་གནས་སྤྱོད་པ། །དེ་ཉིད་རླུང་སེམས་དབྱེར་མེད་པས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་
D453.082.0186a06.01གཤེགས་པ་ཐུབ་པ་བཅིངས་པ་མེད་པ་རྡོ་རྗེ་སངས་རྒྱས་ཐམས་ཅད་ཀྱི་སྤྲོ་བ་དཔག་མེད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །ཆོས་དབྱིངས་ཡེ་ཤེས་སྤྱོད་ཡུལ་བས། །མི་གནས་མི་དམིགས་མཉམ་པ་ཉིད། །
D453.082.0186a07.01