完整藏文原文 · 德格版页 当前仅加载第 82 函德格 306b 版页；藏文 NFD、目录标记与异常页序保留在来源切片中，重复版页行以稳定序号区分。
ཐུགས་ཀྱི་རྡོ་རྗེའམ། །རང་སྔགས་དོན་གྱི་ཡོན་ཏན་གྱིས། །གཙུག་ཏོར་འཁོར་ལོས་སྒྱུར་སྦྱོར་བས། །བཀའ་ཡི་འཁོར་ལོ་སྦྱར་བར་བྱ། །སྔགས་ཀུན་བསྲུང་ཕྱིར་ཡེ་ཤེས་མཆོག །རྡོ་རྗེ་ཅན་གྱིས་བྱ་བ་སྟེ། །འདི་ནི་རྡོ་རྗེ་མ་ལུས་པའི། །བྱང་ཆུབ་སྲུང་བའི་དོན་ཆེན་བྱ། །བཅོམ་ལྡན་
D453.082.0306b01.01འདས་ཀྱི་སྐུ་ཡེ་ཤེས་རྡོ་རྗེས་དེ་སྐད་ཅེས་གསུངས་སོ། །ཉི་མའི་དཀྱིལ་འཁོར་དམ་པ་ནི། །ནམ་མཁའ་རྡོ་རྗེའི་དབུས་སུ་བསམ། །སངས་རྒྱས་གཟུགས་ནི་རབ་བསྒོམས་ལ། །རྡོ་རྗེ་རྟ་མགྲིན་དུ་བསྒོམ་པ། །ཁྲོ་བོའི་འོད་ཟེར་མང་པོ་དག །ཐམས་ཅད་དུ་ནི་རྣམ་པར་འཕྲོ། །ཀླུ་རྣམས་མ་ལུས་
D453.082.0306b02.01ཞབས་ཀྱིས་མནན། །མཐོང་བ་དང་ནི་རེག་པ་དང་། །ཁ་རླངས་དུག་རྣམས་ཞི་བྱེད་པ། །ཀླུ་རྣམས་ཀྱིས་ནི་རྒྱན་དུ་བྱས། །ཁ་དོག་འབར་བ་དམར་བའི་སྐུ། །རྫོགས་སངས་དཔག་མེད་དབུ་རྒྱན་ཅན། །བསམས་ན་རྡོ་རྗེ་ཅན་འདི་མཉེས། །འདི་ནི་ཡེ་ཤེས་རྡོ་རྗེ་ཅན། །ཁྲོ་བོ་ཀུན་གྱི་དམ་ཚིག་
D453.082.0306b03.01སྟེ། །གསང་བ་ཉེ་བར་བསྟན་པ་ཡིན། །དེ་ནས་རྡོ་རྗེ་འཛིན་པ་ཆེན་པོས་ཚེ་དཔག་ཏུ་མེད་པ་རྡོ་རྗེ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་པདྨོ་འབྱུང་བའི་ཁྲོ་བོ་ཆེན་པོ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་རབ་ཏུ་ཕྱུང་ངོ་། །ཨོཾ་ནམཿས་མནྟ་ཀཱ་ཡ་བཱ་ཀྩི་ཏྟ་
D453.082.0306b04.01བཛྲཱ་ཎཱཾ། ཨོཾ་ཤྲཱི་བཛྲ་ཀྲོ་དྷ་པ་དྨཱནྟ་ཀྲྀཏ་ཧ་ཡ་གྷྲཱི་བ་ཧཱུྃ་ཧཱུྃ་ཧུ་ལུ་ཧུ་ལུ་ཧཱུྃ་ཕཊ། དེ་ནས་འདི་ནི་གསུངས་ཙམ་གྱིས། །ཆོས་ཀྱི་རྡོ་རྗེ་ཆེ་མཆོག་སྐྱེས། །དེ་ནས་འཇིགས་ཤིང་བརྒྱལ་བར་འགྱུར། །ཡེ་ཤེས་རྒྱལ་པོ་རྗེས་སུ་དྲན། །མཁའ་དབྱིངས་དུག་གིས་ཡོངས་གང་བ། །རྡོ་རྗེ་ཧ་ལ་ཧ་ལ་
D453.082.0306b05.01འོད། །ཁྲོ་བོའི་རྒྱལ་པོ་བསྐུལ་བ་ཡིས། །དུག་རྣམས་སྐད་ཅིག་གིས་མེད་བྱེད། །རྡོ་རྗེ་རྟ་མཆོག་བསྐྱེད་པ་འབྱུང་བ་རྡོ་རྗེས་གསུངས་སོ། །ཉི་མའི་དཀྱིལ་འཁོར་དམ་པ་ནི། །ནམ་མཁའ་རྡོ་རྗེའི་དབུས་སུ་བསམ། །སངས་རྒྱས་གཟུགས་ནི་རབ་བསྒོམས་ལ། །རྡོ་རྗེ་བདུད་རྩི་བཅུད་
D453.082.0306b06.01གྱུར་མཆོག །འབར་བའི་འོད་ཟེར་འཕྲོ་བ་ཅན། །རྡོ་རྗེ་སྤྲིན་ནི་ཀུན་དུ་འཁྲུགས། །ཁྲོས་ཤིང་ཁྲོ་བཅས་གནག་པ་དང་། །མཆེ་བ་རབ་ཏུ་རྣོ་བ་ནི། །རྔ་སྒྲའི་དམ་ཚིག་དབུ་བརྒྱན་པ། །བསྒོམས་ན་ཁྲོ་བོ་མཆོག་འདི་མཉེས། །འདི་ནི་ཁྲོ་བོ་ཐམས་ཅད་ཀྱིས། །འདའ་བར་དཀའ་བའི་
D453.082.0306b07.01