完整藏文原文 · 德格版页 当前仅加载第 82 函德格 298b 版页；藏文 NFD、目录标记与异常页序保留在来源切片中，重复版页行以稳定序号区分。
ས་བོན་བྱང་ཆུབ་སེམས། །དེ་ལས་རིན་ཆེན་ལྗོན་ཤིང་གི། །པད་སྡོང་ལོ་འདབ་མེ་ཏོག་རྒྱས། །འབྲས་བུ་བདེ་གཤེགས་ཡིད་བཞིན་ནོར། །དགོས་འདོད་དྲི་མ་མེད་པའི་གཏེར། །རྟེན་འབྲེལ་ལུགས་བཟློག་ཆོས་འབྱུང་བའི། །ཟབ་དང་རྒྱ་ཆེའི་སྙིང་པོ་ནི། །
D453.082.0298b01.01གྲུབ་མཐའ་དུ་མ་རྟོགས་པའི་གནས། །དེ་ནི་ཡང་དག་གནས་མི་འཐོབ། །གསང་བ་རྡོ་རྗེ་ཐེག་པ་ལས། །རྒྱུད་སྡེའི་སྙིང་པོ་འདུས་པའི་དོན། །དུག་ལྔའི་རྟོག་པ་སྤྱངས་གྱུར་པས། །དབང་དང་ལས་ཀྱི་རིམ་པ་ལས། །སྐུ་གསུམ་ས་ཡི་དབང་ཕྱུག་འཐོབ། །
D453.082.0298b02.01ཕྱི་ནང་སྤྱོད་པའི་དོན་གནས་ལ། །དམ་ཚིག་གནས་པའི་ཚུལ་བཞིན་སྤྱོད། །སྤྱི་དང་ཁྱད་པར་སྐུ་གསུམ་དང་། །སྐུ་བཞི་ཡེ་ཤེས་རྫོགས་པའི་གནས། །མངོན་པར་བྱང་ཆུབ་ལྔ་དང་ནི། །དྲུག་པ་དང་པོའི་མགོན་པོ་ལས། །ཡེ་ཤེས་རྒྱ་མཚོ་སྤྲིན་འཕྲོ་བས། །
D453.082.0298b03.01རིགས་ནི་བརྒྱ་དང་སྟོང་དག་ཏུ། །སྤྲོས་དང་སྡུད་པ་གསང་ཆེན་གྱི། །གཅིག་པ་མི་ཟད་སེམས་བསྐྱེད་པ། །བྱང་ཆུབ་སེམས་འདི་བསྟན་པ་ཡང་། །དཀྱིལ་འཁོར་སྙིང་པོར་འབྱུང་པ་ཡིན། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་
D453.082.0298b04.01གསང་བ་འདུས་པ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྒྱུད་ལས་སྙིང་པོ་མཆོག་ཏུ་བསྐུལ་བ་དང་ཡོངས་སུ་དག་པར་སྟོན་པའི་ལེའུ་སྟེ་བདུན་ཅུ་པའོ།། །།དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་
D453.082.0298b05.01ཐུགས་ཀྱི་མཆོད་པ་གསང་བ་བླ་ན་མེད་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་རབ་ཏུ་ཕྱུང་ངོ་། །དབང་པོ་གཉིས་ཀྱི་སྦྱོར་བ་ཡིས། །བདག་གི་ཁུ་བ་ལ་སོགས་པས། །ཆོ་ག་བཞིན་དུ་ཀུན་མཆོད་ན། །སངས་རྒྱས་བྱང་ཆུབ་ཐོབ་པར་འགྱུར། །
D453.082.0298b06.01རིག་མ་གཟུགས་བཟང་མདངས་དང་ལྡན། །ལོ་གྲངས་བཅུ་དྲུག་ལོན་པ་ལ། །བྱིན་གྱིས་བརླབས་ཀྱི་གནས་གསུམ་གྱིས། །དབེན་པར་མཆོད་པ་རབ་ཏུ་བརྩམ། །དེ་བཞིན་གཤེགས་པའི་བཙུན་མོ་མཆོག །སྤྱན་ལ་སོགས་པར་བསྒོམ་པར་བྱ། །ཡི་གེ་ཧཱུྃ་
D453.082.0298b07.01