完整藏文原文 · 德格版页 当前仅加载第 82 函德格 283a 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་དབང་སྐུར་བར་བྱེད་དོ། །འདིར་ནི་རིན་པོ་ཆེའི་གཞལ་ཡས་ཁང་ཞིང་ཁམས་རྣམ་པར་དག་པར་དཔལ་ལོངས་སྤྱོད་རྫོགས་པའི་སྐུ་མངོན་པར་འབྱུང་བའི་སྒོ་ནས་དབང་སྐུར་བར་བྱེད་དོ། །བླ་ན་མེད་པའི་སེམས་དཔའ་ཆེན་པོ་དཔག་ཏུ་མེད་པ་ལ་ནི་ཐབས་དང་
D453.082.0283a01.01སྟོབས་དང་ཡེ་ཤེས་དང་སྨོན་ལམ་རྣམ་པར་དག་པའི་ཚུལ་གྱིས་ཕྱིར་མི་ལྡོག་པའི་ལམ་ལས་བཅུའི་རྣམ་པར་དག་པའི་ཚུལ་རྡོ་རྗེ་ལྟ་བུའི་ཏིང་ངེ་འཛིན་གྱིས་ཡོངས་སུ་དབང་སྐུར་བར་བྱེད་དོ། །གང་དེ་སངས་རྒྱས་ཀྱིས་མི་འདུལ་ཞིང་དུས་ལ་མ་བབ་པ་དེའི་ཚེ་འཁོར་ལོས་སྒྱུར་བའི་
D453.082.0283a02.01རྒྱལ་པོ་རིན་པོ་ཆེ་སྣ་བདུན་དང་དཔུང་ཆེན་པོ་བཞི་དང་བཅས་པ་ཐམས་ཅད་ལ་དགེ་བ་བཅུའི་ལས་ཀྱི་ལམ་མངོན་པར་འབྱུང་བས་བསྟན་ཅིང་དབང་སྐུར་བར་བྱེད་དོ། །དེ་བཞིན་གཤེགས་པའི་རིགས་དེ་དག་ཀྱང་བསྡུས་པའི་ཚུལ་གྱིས་ཉི་ཤུ་རྩ་ལྔ་པོ་རེ་རེ་ལས་ཡང་ལྔ་ལྔར་རིགས་
D453.082.0283a03.01བརྒྱའི་སྒོ་ནས་དབང་སྐུར་བར་བྱེད་དོ། །རྣལ་འབྱོར་གྱི་དབང་ཕྱུག་ཆེན་པོ་རྣམས་ལ་ནི་སངས་རྒྱས་རིགས་ལྔའི་ཚུལ་གྱིས་རིན་པོ་ཆེའི་རྒྱན་ཐམས་ཅད་ཀྱིས་ཉེ་བར་བརྒྱན་པའི་སྣང་བས་རིག་མ་དང་ལྷ་མོའི་ཚོགས་དུ་མས་འདོད་པའི་ལོངས་སྤྱོད་མི་ཟད་པ་ཡོངས་སུ་དག་པ་ལ་དགྱེས་
D453.082.0283a04.01པས་ཡོངས་སུ་སྤྱོད་པར་མཛད་ཅིང་ཁྲོ་བོའི་རྒྱལ་པོ་དུ་མ་དང་། བྱང་ཆུབ་སེམས་དཔའ་སོ་སོའི་རིགས་དང་བཅས་པས་རིག་པ་དང་བརྟུལ་ཞུགས་བརྟན་པར་བྱེད་པ་དང་། ཆོས་ཀྱི་རྒྱལ་པོར་དབང་བསྐུར་བ་བླ་ན་མེད་པ་ཁྱད་པར་དུ་བསྟན་ཏོ། །དེ་བཞིན་གཤེགས་པའི་ཚོགས་
D453.082.0283a05.01འདུས་པ་ཆེན་པོ་བླ་ན་མེད་པ་ལ་རྡོ་རྗེ་བཙུན་མོའི་བྷ་གའི་ནང་དུ་ཆུད་པར་གྱུར་པའི་དཀྱིལ་འཁོར་གྱི་འཁོར་ལོ་ཚད་མེད་པ་ཆོས་ཀྱི་ཕོ་བྲང་དམ་པར་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་བདག་ཉིད་གསང་བ་ཡོངས་སུ་རྫོགས་པ་སྐུ་གསུང་ཐུགས་ཡོན་
D453.082.0283a06.01ཏན་ཕྲིན་ལས་དུ་མས་བདག་ཉིད་དུ་དབང་བསྐུར་བར་མཛད་པའི་དཔལ་རྡོ་རྗེ་འཆང་ཆེན་པོས་ཕྱག་མཚན་དང་ཞལ་ལ་སོགས་པའི་རྣམ་པར་སྣང་བར་གྱུར་པ་ནི་འོད་ཟེར་དཔག་ཏུ་མེད་པ་བཀྱེ་བ་དེ་དག་ཚུར་བསྡུས་པས་བཅོམ་ལྡན་འདས་ཉིད་ཀྱི་སྐུའི་དཀྱིལ་འཁོར་དང་། དེ་བཞིན་
D453.082.0283a07.01