完整藏文原文 · 德格版页 当前仅加载第 82 函德格 187b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ཐམས་ཅད་ཀྱི་སྟོབས་ཀྱི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །བསམ་གཏན་སྦྱོར་བ་སྒྱུ་མ་ཡིས། །ཉེ་བར་འགྲུབ་པ་ཡང་དག་པའི། །གསང་མཐའ་ཚུལ་འདི་ངེས་བསྟན་ཡིན། །དེ་ཉིད་སྤྱོད་པ་བསྟན་པའོ། །ཞེས་གསུངས་
D453.082.0187b01.01སོ། །དེ་ནས་དེ་བཞིན་གཤེགས་པ་ཙམ་པ་ཀའི་མདོག་ཅན་སངས་རྒྱས་ཐམས་ཅད་ཀྱི་དྲང་སྲོང་སྐྱོབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །བསོད་ནམས་མཐར་ཐུག་སྟོབས་ཆེན་པོ། །དགེ་བའི་རྩ་བ་བརྟན་ལས་འབྱུང་།།
D453.082.0187b02.01འབྲས་བུ་བཞིས་ནི་ཐུབ་པའི་རྒྱན། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དགའ་མཛད་སངས་རྒྱས་ཐམས་ཅད་ཀྱི་ཡེ་ཤེས་ཀྱི་རྣམ་པར་ཐར་པའི་སྒོ་བསྟན་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་
D453.082.0187b03.01ཀྱི་སེམས་འདི་གསུངས་སོ། །དེ་ཉིད་སྟོང་ཉིད་མཚན་མ་མེད། །སྨོན་པ་མེད་པ་བྱང་ཆུབ་གཞི། །རྣམ་ཐར་ཡེ་ཤེས་འབྲས་ཐོབ་པས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཚོགས་ཅན་བཟང་པོ་སངས་རྒྱས་ཐམས་
D453.082.0187b04.01ཅད་ཀྱིས་སྒྱུ་མ་ལྟ་བུར་སྟོན་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །ཆོས་གང་སྐྱེ་བ་མེད་པ་དང་། །འགག་པ་མེད་པར་འབྱུང་བ་གང་། །བླ་མེད་གསང་བའི་དོན་བསྟན་པས། །དེ་ཉིད་ཚུལ་འདི་བསྟན་པའོ། །
D453.082.0187b05.01ཞེས་གསུངས་སོ། །དེ་ནས་དེ་བཞིན་གཤེགས་པ་དབང་པོའི་རྒྱལ་མཚན་སངས་རྒྱས་ཐམས་ཅད་ཀྱི་སྨིག་རྒྱུ་ལྟ་བུར་སྟོན་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །ཆོས་རྣམས་གཟུགས་བརྙན་རྨི་ལམ་དང་། །སྤྲུལ་
D453.082.0187b06.01པ་མཚུངས་པར་སྟོན་བ་གང་། །དེ་ཉིད་རང་བཞིན་འབྱུང་བའི་དངོས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དགྱེས་པ་ཆེན་པོ་སངས་རྒྱས་ཐམས་ཅད་ཀྱི་ཆོས་ཐམས་ཅད་རྨི་ལམ་སྒྱུ་མ་ལྟ་བུར་སྟོན་པ་རྡོ་རྗེ་ཞེས་བྱ་བའི་
D453.082.0187b07.01