完整藏文原文 · 德格版页 当前仅加载第 82 函德格 227b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་གྲོལ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཤེས་རབ་ཆེན་པོའི་གཞོན་པ་སངས་རྒྱས་ཐམས་ཅད་ཀྱི་ལེགས་པར་ཞུགས་པ་རྡོ་རྗེ་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཚུལ་ཆེན་
D453.082.0227b01.01ཐབས་ལྡན་དྲི་མ་མེད། །ཡན་ལག་འབྱུང་པ་ཆོས་དག་པ། །སོ་སོར་མ་ཡིན་མཁའ་དབྱིངས་ཀློང་། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་བློ་གྲོས་མཚུངས་མེད་སངས་རྒྱས་ཐམས་ཅད་ཡང་དག་པའི་ལམ་ལ་ཞུགས་པ་རྣམ་པར་དག་པ་
D453.082.0227b02.01རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གང་དུ་མངོན་པར་མཁྱེན་པ་ལ། །རློམ་སེམས་མེད་པའི་བདག་ཉིད་དུ། །གཅིག་པ་བཀག་པའི་རྒྱུན་ལས་ནི། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་
D453.082.0227b03.01རྒྱལ་པོ་རྡོ་རྗེ་མཁྲེགས་པ་སངས་རྒྱས་ཐམས་ཅད་ཀྱི་ལམ་ཡན་ལག་བརྒྱད་རྣམ་པར་དག་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཡན་ལག་འདི་དག་ལྡན་པས་ན། །ངེས་པར་འཇུག་པ་མི་ལྡོག་པ། །སེམས་དཔའ་ཆེན་པོ་དགེ་བའི་མཐུན། །
D453.082.0227b04.01གསང་བ་དེ་ཉིད་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་བྱང་ཆུབ་བློ་གྲོས་སངས་རྒྱས་ཐམས་ཅད་ཀྱི་ཚད་མེད་པ་རྡོ་རྗེའི་གནས་ཀྱི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །བྱམས་དང་སྙིང་རྗེ་དགའ་བ་དང་། །བཏང་སྙོམས་བདག་
D453.082.0227b05.01མེད་མཉམ་པའི་དངོས། ཚད་མེད་ཆུ་བོའི་རླབས་ལས་ནི། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ལྗོན་ཤིང་བཟང་པོ་སངས་རྒྱས་ཐམས་ཅད་ཀྱི་སྐྱོབ་པ་མཚུངས་པ་མེད་པའི་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་
D453.082.0227b06.01འདི་གསུངས་སོ། །སཱ་ལ་ཆེན་པོའི་ཤིང་ལྟར་ན། །འདབ་རྒྱས་རྒྱལ་བ་རྒྱུན་མི་འཆད། །རེ་རེའི་དོན་དུའང་དུ་མར་བཞུགས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་འདི་ནི་གསུངས་ཙམ་གྱིས། །རྒྱུན་དུ་ཆོས་སྤྱོད་སྐལ་བ་ཅན། །ཡེ་ཤེས་དམ་པའི་གནས་
D453.082.0227b07.01