完整藏文原文 · 德格版页 当前仅加载第 82 函德格 139a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་སེམས། །རྡོ་རྗེའི་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་སེང་གེའི་རྟོག་སངས་རྒྱས་ཐམས་ཅད་ཀྱི་སྟོབས་མི་ཟད་པའི་ཡེ་ཤེས་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་
D453.082.0139a01.01སོ། །གང་དུ་གཉིས་མེད་མཉམ་པའི་དངོས། འབར་བའི་ཕྲེང་བ་འཁྲིགས་པའི་འོད། མི་ཟད་ཕུན་སུམ་ཚོགས་པའི་གཞི། དབྱེར་མེད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དུས་མཁྱེན་རྒྱལ་པོས་སངས་རྒྱས་ཐམས་ཅད་ཀྱི་ཕུན་སུམ་
D453.082.0139a02.01ཚོགས་པ་བླ་ན་མེད་པའི་སྙིང་པོ་ཟེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །བདག་གཞན་དབྱེར་མེད་བྱང་ཆུབ་སེམས། །བདེ་བ་ཆེན་པོ་སེམས་ལ་རྙེད། །ངལ་སོའི་གནས་ནི་བླ་ན་མེད། །དབྱེར་མེད་ཚུལ་འདི་བསྟན་པའོ། །ཞེས་གསུངས་སོ། །
D453.082.0139a03.01དེ་བཞིན་གཤེགས་པ་རྣམས་ཀྱིས་ནི། །སྐུ་གསུང་ཐུགས་ནི་གཅིག་སྦྱོར་བ། །བྱང་ཆུབ་སེམས་དཔའ་ཆེ་རྣམས་ཀྱིས། །རྗེས་སུ་བསྔགས་པ་བརྗོད་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་སྙིང་པོ་གསང་བ་གསང་བ་འདུས་པ་རྣལ་འབྱོར་ཆེན་པོ་གཉིས་སུ་
D453.082.0139a04.01མེད་པ་མཉམ་པ་ཉིད་རྣམ་པར་རྒྱལ་བ་ཞེས་བྱ་བ་ལས་སངས་རྒྱས་ཐམས་ཅད་ཀྱི་དགོངས་པ་ཉེ་བར་བསྟན་པ་ཞེས་བྱ་བའི་ལེའུ་སྟེ་བཅུ་དགུ་པའོ།། །།དེ་ནས་ཡང་བཅོམ་ལྡན་འདས་དཔལ་གྱི་སྙིང་པོ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་རྣམ་པར་རོལ་པ་རྡོ་རྗེ་ཞེས་བྱ་
D453.082.0139a05.01བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གང་དུ་སྲོག་དང་སྙིང་པོ་མེད། །གནས་པ་མེད་ཅིང་ཀུན་འབྱུང་བ། །བར་མ་དོ་ཡི་རྣམ་ཤེས་ལྟར། །འབྱུང་བའི་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་སྲིད་
D453.082.0139a06.01མཐའ་གཟིགས་པས་སངས་རྒྱས་ཐམས་ཅད་ཀྱི་སྙིང་པོ་རྒྱལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །དབང་པོ་ཡུལ་ལ་རྣམ་སྤྲོ་བ། །དེ་ཉིད་བཟློག་སྟེ་སེམས་གནས་པ། །ལམ་དུ་བྱེད་པའི་ངོ་བོ་ཉིད། །གསང་བའི་ཚུལ་འདི་བསྟན་པའོ། །
D453.082.0139a07.01