完整藏文原文 · 德格版页 当前仅加载第 82 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
གསུངས་སོ། །སངས་རྒྱས་རྣམས་ནི་ཡེ་ཤེས་སྐུ། །བཀྲ་ཤིས་དགེ་བའི་མཚན་གྱིས་སྤྲས། །དེ་ཉིད་ཀུན་གྱི་རྣམ་པར་སྟོང་། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་སྡོམ་པ་རབ་ལྡན་དགྱེས་པས་སངས་རྒྱས་
D453.082.0126b01.01ཐམས་ཅད་ཀྱི་དཔེ་བྱད་ཡོངས་སུ་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སྡོམ་པ་ཐམས་ཅད་སྙིང་པོ་ནི། །འདིར་ནི་ཐབས་དང་ཤེས་རབ་ཉིད། །གཉིས་མེད་དེ་བཞིན་གཤེགས་པ་ཡི། །བྱང་ཆུབ་ཚུལ་འདི་བསྟན་པའོ། །ཞེས་
D453.082.0126b02.01གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་མི་བསྙེམས་པས་སངས་རྒྱས་ཐམས་ཅད་ཀྱི་འགྲོ་བ་འདུལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སྲིད་གསུམ་བརྟན་དང་གཡོ་བ་ཡི། །དངོས་པོ་མི་
D453.082.0126b03.01དམིགས་སྣང་མེད་པ། །ཆོས་ཉིད་མཉམ་པ་ཉིད་གྱུར་ཕྱིར། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་རིན་ཆེན་དཔལ་གྱིས་སངས་རྒྱས་ཐམས་ཅད་ཀྱི་ལམ་དུ་གྱུར་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་
D453.082.0126b04.01ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཆོས་རྣམས་རྟེན་ཅིང་འབྲེལ་འབྱུང་བ། །དེ་ཉིད་རོ་མཉམ་གཅིག་པའི་བདག །རྒྱུ་དང་འབྲས་བུར་བསྟན་པ་ཡིན། བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་
D453.082.0126b05.01ཐམས་ཅད་ཀྱི་པདྨའི་སྤྱན་རྒྱས་པ་ཞེས་བྱ་བའི་སངས་རྒྱས་དུ་མའི་རྗེས་སུ་འགྲོ་བ་སྟོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སྤྱན་ལྔ་ཡེ་ཤེས་སྤྱོད་ཡུལ་དུ། །གཉིས་སྣང་ཐམས་ཅད་ནུབ་ནས་ནི། །ཟུང་འཇུག་ཡེ་ཤེས་མི་
D453.082.0126b06.01གནས་པ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་སྟོབས་ཀྱི་སྡེས་དེ་བཞིན་གཤེགས་པ་ཐམས་ཅད་ཀྱི་བདུད་ཀྱི་དཔུང་རབ་ཏུ་འཇོམས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་
D453.082.0126b07.01