完整藏文原文 · 德格版页 当前仅加载第 82 函德格 285b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་རྒྱལ་སྲིད་ཆེ། །རྒྱལ་བའི་བདག་པོར་བསྟན་པ་དང་། །དེར་ནི་བདུད་ལས་རྣམ་རྒྱལ་ཞིང་། །གྲོང་ཁྱེར་མཆོག་ཏུ་ཞུགས་པ་ཡིས། །དེང་འདིར་སངས་རྒྱས་ཉིད་ཐོབ་པར། །ཁྱེད་རྣམས་ཐེ་ཚོམ་མེད་པ་ཡིན། །དེ་ནས་གསང་བའི་དཀྱིལ་འཁོར་དུ། །རིག་མ་རྣམ་
D453.082.0285b01.01པར་གཞུག་བྱ་ཞིང་། །བླ་ན་མེད་པའི་བླ་མ་ལས། །བདུད་རྩི་དག་པའི་བློ་བླང་བྱ། །ཐབས་དང་ཤེས་རབ་སྦྱོར་བ་ཡིས། །བདེ་བའི་བྱང་ཆུབ་སེམས་ཀྱི་རྒྱུན། །རང་འབབ་ཡེ་ཤེས་བཅུད་ཀྱིས་ལེན། །འཆི་མེད་ཡེ་ཤེས་དབང་བསྐུར་བ། །ཇི་ལྟར་འདས་པའི་སངས་རྒྱས་ཀྱིས། །
D453.082.0285b02.01བྱང་ཆུབ་སྲས་རྣམས་དབང་བསྐུར་ལྟར། །དེ་བཞིན་བྱང་ཆུབ་སེམས་བཟང་པོས། །བུ་ཁྱོད་དབང་ནི་བསྐུར་བར་བྱ། །དེ་ཉིད་ལོངས་སྤྱོད་རྩལ་སྦྱངས་ཏེ། །གསུང་གི་རྡོ་རྗེ་རབ་བསྒྲུབ་ཕྱིར། །རྟོག་མེད་བདེ་བའི་གནས་ལས་སྐྱེས། །དྲི་མེད་གསང་བའི་དབང་བསྐུར་
D453.082.0285b03.01བའོ། །དེ་ནས་རིག་མའི་དབྱེ་བ་ནི། །ཉི་ཤུ་རྩ་ལྔའི་དབྱེ་བ་ཡིས། །གླང་པོ་ཅན་དང་{རི་དགས་,རི་དྭགས་}མ། །དུང་ཅན་མ་དང་སྣ་ཚོགས་ཅན། །པདྨ་ཅན་ནི་རིམ་ཤེས་པས། །ཕྱག་རྒྱའི་དབང་ནི་ཐོབ་བྱེད་ཡིན། །ལས་ཀྱི་ཕྱག་རྒྱ་མ་ཤེས་རབ་མ་སྟེ། ལོ་བཅུ་གཉིས་
D453.082.0285b04.01མ་འམ། བརྒྱད་གཉིས་མའམ། བཅུ་གཉིས་གཉིས་མའི་རིམ་པ་སྟེ། དེ་ཡང་གནས་དང་ཉེ་བའི་གནས་ལ་སོགས་པར་སྐྱེས་པའམ། སྔོན་གྱི་སྨོན་ལམ་རྣམ་པར་དག་པའི་སྟོབས་ལས་གྲུབ་ཅིང་ཡེ་ཤེས་ཀྱི་རྒྱུ་མཐུན་ལས་བྱུང་བའམ། དབུས་ཀྱི་ཡུལ་དུ་སྐྱེས་པ།
D453.082.0285b05.01དབང་པོ་ཚང་པ། ཡན་ལག་ཉིང་ལག་ཡོངས་སུ་རྫོགས་ཤིང་མཚན་དང་ལྡན་པ། དབང་བསྐུར་བ་ཐོབ་ཅིང་སྔགས་དང་རྒྱུད་ཀྱི་སྦྱོར་བ་ཤེས་པ་ལས་ཨ་བདྷཱུ་ཏཱི་སྟོན་པའམ། སྟོན་པའི་ནུས་པ་དང་ལྡན་པའི་རྣལ་འབྱོར་མ་དེ་ལས་ཀུན་འདར་གྱི་སྣ་རྩེ་ལས་བསྐྱོད་པའི་
D453.082.0285b06.01བདེ་བ་ལས་དགའ་བ་དང་། མཆོག་དགའ་དང་དགའ་བྲལ་དང་། ལྷན་ཅིག་སྐྱེས་པའི་དགའ་བ་ལས་ཡེ་ཤེས་མངོན་སུམ་དུ་ཉམས་སུ་མྱོང་བ་སྐྱེད་ཅིང་། དེ་ལས་ཐོབ་པ་དེས་སྣང་གྲགས་བརྟན་གཡོ་མ་ལུས་པ་ལ་རྒྱས་བཏབ་པའི་ཡེ་ཤེས་རོ་གཅིག་པའི་ངང་དུ་རྟག་ཏུ་
D453.082.0285b07.01