完整藏文原文 · 德格版页 当前仅加载第 82 函德格 143a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཉིད་མེ་ལོང་སོགས་བདག་ཉིད། །གསང་བ་འཛིན་པ་ཐུབ་པའི་རྒྱལ། །རྡོ་རྗེ་མི་བསྐྱོད་རྒྱལ་པོ་ཉིད། །གསང་བ་འཛིན་པ་མ་ལུས་པའི། །སྐུ་དང་གསུང་དང་ཐུགས་ཀྱི་རྒྱལ། །སྙིང་པོ་རྡོ་རྗེ་ཡེ་ཤེས་སོ། །དེ་ཉིད་རྡོ་རྗེ་བཙུན་མོ་རྣམས། །གཅིག་ཏུ་གྱུར་པའི་མཁའ་དབྱིངས་ནི། །
D453.082.0143a01.01དམ་ཚིག་ཆེན་པོའི་མཁའ་དབྱིངས་ཏེ། །རྙོག་པ་མེད་ཅིང་རྡུལ་མེད་པའི། །དཀྱིལ་འཁོར་གྲུ་བཞིར་བྱིན་བརླབས་པ། །ཕྱོགས་མཚམས་མཉམ་པར་ལྡན་པ་ལ། །གྲུབ་པའི་གནས་བརྒྱད་ཡོངས་བསྐོར་བ། །ཞིང་ཁམས་ཡོངས་སུ་དག་པ་ཡི། །འཛམ་གླིང་པད་མའི་ལྟེ་བ་ལ། །སྣ་ཚོགས་མི་ཤིགས་ཨེ་དང་
D453.082.0143a02.01བྃ། །གསལ་བ་དེ་ཡི་ངོ་བོ་ཉིད། །སྣ་ཚོགས་གཟུགས་ཀྱི་ཀུན་དུ་རྒྱས། །སངས་རྒྱས་སྤྲིན་གྱིས་ཀུན་དུ་ཁྱབ། །འོད་ཟེར་འཕྲོ་བ་མང་པོ་འཁྲུག །གསལ་བ་ལ་སོགས་དཀྱིལ་འཁོར་ལྡན། །དེ་བཞིན་གཤེགས་པ་ཀུན་གྱི་གནས། །དེ་ནས་སངས་རྒྱས་ཀུན་གྱི་བདག །གསང་བ་
D453.082.0143a03.01རབ་ཏུ་འཛིན་པ་པོ། །དཀྱིལ་འཁོར་ཉི་ཤུ་རྩ་ལྔ་པ། །སུམ་ཅུ་གསུམ་པར་ལྡན་པ་ཡིས། །ཕོ་བྲང་ཡངས་པའི་གཞལ་ཡས་དེར། །དེ་བཞིན་གཤེགས་པ་སྟོང་དང་ནི། །གཉིས་དང་བྱང་ཆུབ་སེམས་དཔར་བཅས། །ཕྱི་རོལ་འཇིག་རྟེན་སྐྱོང་བ་བཞི། །སྣ་ཚོགས་དཀྱིལ་འཁོར་ཆེན་
D453.082.0143a04.01པོ་ཡི། །དབུས་སུ་ཡང་དག་བཞུགས་གྱུར་པའོ། །དེ་ནས་དེ་བཞིན་གཤེགས་པའི་ཚོགས། །མི་བསྐྱོད་པ་དང་དཀོན་མཆོག་དཔལ། །ཚེ་དཔག་མེད་དང་གདོན་མི་ཟ། །དཔལ་ལྡན་རྣམ་པར་སྣང་མཛད་སོགས། །དེ་བཞིན་གཤེགས་པ་ཐུབ་པའི་རྒྱལ། །དེ་ཉིད་སྐུ་གསུང་
D453.082.0143a05.01ཐུགས་ཡེ་ཤེས། །ཕྲིན་ལས་ལྡན་པར་བཞུགས་པའོ། །དེ་ནས་རང་བཞིན་དག་པ་ཡི། །ཆོས་ཀྱི་དབྱིངས་ན་གནས་གྱུར་པ། །དབྱིངས་དང་ཡེ་ཤེས་དབྱེར་མེད་པའི། །སེམས་ཅན་ཁམས་ཀྱི་སྣོད་བཅུད་དང་། །ཡུལ་དང་དབང་པོ་ཐམས་ཅད་ཀུན། །རྡོ་རྗེ་སེམས་དཔས་བྱིན་བརླབས་ཤིང་། །
D453.082.0143a06.01དབང་བསྐུར་སྔགས་དང་ཕྱག་རྒྱ་དང་། །ཡེ་ཤེས་ཀྱི་ནི་དབང་བསྒྱུར་བས། །དེ་དག་ཐོབ་པའི་ཁྱད་པར་ནི། །ཐ་མ་འབྲིང་དང་མཆོག་རྣམས་ལ། །བདེ་བ་དང་ནི་ཡིད་བདེ་བས། །གསང་བ་ཡེ་ཤེས་སྤྱོད་ཡུལ་ཐོབ། །དེ་ལས་སྤྲུལ་པའི་སྐུ་བྱུང་བ། །བཅོམ་ལྡན་དེ་ཉིད་ཐུགས་ཀ་ནས། །སྤྲུལ་
D453.082.0143a07.01