完整藏文原文 · 德格版页 当前仅加载第 82 函德格 180a 版页；藏文 NFD、目录标记与异常页序保留在来源切片中，重复版页行以稳定序号区分。
འབྱུང་། །ཆོས་དབྱིངས་མཉམ་པའི་ཏིང་ངེ་འཛིན། །མི་ཤིགས་འོག་གི་གོང་བུ་ལས། །ནཱ་ད་ཙམ་དུ་སྣང་བ་གང་། །མི་འགག་རང་བཞིན་དག་པར་གནས། །གསང་བ་རྡོ་རྗེའི་རི་ཆེན་གྱི། །རབ་སྣང་བྱེད་པའི་ཏིང་འཛིན་བཤད། །དེ་ནས་དེ་བཞིན་
D453.082.0180a01.01གཤེགས་པ་ཡོན་ཏན་མཐའ་ཡས་བསགས་པའི་རྒྱལ་པོ་སངས་རྒྱས་ཐམས་ཅད་ཀྱི་ཡེ་ཤེས་མངོན་པར་རོལ་པ་འབྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །ཆོས་རྣམས་བདག་མེད་པ་ཡི་དངོས། །གཉུག་
D453.082.0180a02.01མ་དབྱེར་མེད་སྟོང་ཉིད་དང་། །ཟད་པ་མེད་ཅིང་འཕེལ་མེད་པ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཡོན་ཏན་འབར་བའི་ཚོགས་ན་སངས་རྒྱས་ཐམས་ད་ཀྱི་དྲི་མ་མེད་པའི་མེ་འོད་རིན་པོ་ཆེ་མངའ་
D453.082.0180a03.01བ་སངས་རྒྱས་ཐམས་ཅད་ཀྱི་པདྨོ་རྣམ་པར་རོལ་པའི་འབྱུང་གནས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་བར་ཞུགས་ཏེ། །བྱང་ཆུབ་ཀྱིས་སེམས་འདི་གསུངས་སོ། །ཆོས་རྣམས་ཐམས་ཅད་མ་སྐྱེས་པ། །སྐྱེ་མེད་སྙིང་གི་པདྨ་ལ། །ས་བཙན་རྫོགས་པའི་སྙིང་པོ་གང་།།
D453.082.0180a04.01བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་རིན་ཆེན་འབར་བའི་ཕུང་པོ་སངས་རྒྱས་ཐམས་ཅད་ཀྱི་རང་བྱུང་གི་རྒྱལ་པོ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །
D453.082.0180a05.01ཟླ་བའི་སྙིང་པོ་འོད་འཕྲོ་བ། །ཆུ་རྒྱུན་འབབ་པའི་ཟེར་ལྡན་གྱིས། །བསམ་པའི་ཡེ་ཤེས་རྒྱུན་གྱིས་ནི། །ཐོགས་མེད་ཡེ་ཤེས་ཚུལ་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་སྲིད་པ་ལས་རྒལ་བ་སངས་རྒྱས་ཐམས་ཅད་ཀྱི་ཡེ་ཤེས་ཀྱི་རྒྱ་མཚོ་
D453.082.0180a06.01ལ་རོལ་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །སྣ་ཚོགས་དངོས་པོའི་ཆོས་ཉིད་ནི། །སྤྲོས་པ་མེད་ཕྱིར་སྣང་མེད་པས། །ཐེག་པ་མཆོག་གི་ཆོས་ཉིད་ཀྱིས། །གསང་བའི་ཚུལ་འདི་བསྟན་པའོ། །
D453.082.0180a07.01