完整藏文原文 · 德格版页 当前仅加载第 82 函德格 280a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བ་ཡིན། །དེ་ནས་དཀྱིལ་འཁོར་དབུས་ཉིད་དུ། །ཁྱད་པར་ཞི་བའི་སྦྱིན་སྲེག་བྱ། །བདག་ཉིད་ལྷ་ཡི་ང་རྒྱལ་གྱིས། །སྔགས་བརྗོད་རེག་པས་གནས་པར་གྱུར། །དེ་ནས་སྤྱན་དྲང་མཆོད་བསྟོད་པ། །སྔོན་འགྲོ་གསོལ་བ་གདབ་པ་ནི། །དེ་བཞིན་
D453.082.0280a01.01གཤེགས་པ་ཀུན་ཞི་བ། །དེ་བཞིན་གཤེགས་པ་ཀུན་གྱི་གནས། །ཆོས་ཀུན་བདག་མེད་པ་ཡི། །གསང་ཆེན་དཀྱིལ་འཁོར་བཤད་དུ་གསོལ། །མཚན་རྣམས་ཐམས་ཅད་ཡང་དག་རྫོགས། །མཚན་མིན་ཐམས་ཅད་ཡང་དག་སྤངས། །ཀུན་དུ་བཟང་པོ་སྐུ་ཡི་
D453.082.0280a02.01མཆོག །གསང་ཆེན་དཀྱིལ་འཁོར་བཤད་དུ་གསོལ། །ཞི་བའི་མཆོག་ནི་ཆོས་ལས་བྱུང་། །སྤྱོད་པ་ཡེ་ཤེས་རྣམ་སྦྱངས་བ། །ཀུན་དུ་བཟང་པོ་གསུང་གི་མཆོག །གསང་ཆེན་དཀྱིལ་འཁོར་བཤད་དུ་གསོལ། །སེམས་ཅན་ཀུན་གྱི་སེམས་ཆེན་པོ། །སྤྲོས་མེད་
D453.082.0280a03.01ཡེ་ཤེས་དག་པ་ཡི། །ཀུན་བཟང་ཐུགས་མཆོག་ཁ་ལོ་སྒྱུར། །དཀྱིལ་འཁོར་དམ་པ་བཤད་དུ་གསོལ། །དེ་སྐད་ཅེས་ནི་ཕྱོགས་བཞི་ནས། །གསོལ་བ་གདབ་ཅིང་ཕྱག་བྱས་ནས། །མཐོང་བ་གཟིགས་ཕྱིར་ཁྲོ་བོ་ཡིས། །ཤིན་ཏུ་ལྟ་སྟངས་བགེགས་གཟིར་ཞིང་། །བརྟུལ་
D453.082.0280a04.01ཞུགས་དྲག་པོས་རྡོ་རྗེའི་གར། །རྡོ་རྗེ་སེམས་དཔའ་ཁྲོས་པས་བྱ། །དེ་ནས་བགེགས་ལ་བཀའ་བསྒོ་ཞིང་། །རོལ་པའི་སྒྱུར་བས་བལྟ་བར་བྱ། །གསང་སྔགས་ཕྱག་རྒྱར་བཅས་པ་ཡིས། །སློབ་མའི་བགེགས་དབྱུང་བར་ཆད་བསལ། །སྦྱིན་སྲེག་གཏོར་མ་སྔོན་འགྲོ་བྱ། །
D453.082.0280a05.01ཁྲོ་བོའི་ཕུར་པས་གདབ་པ་དང་། །གཏོར་མས་བགེགས་བསལ་ཆོ་ག་བསྟན། །དེ་ནས་བསྒྲུབ་པ་ལྷག་པར་གནས། །ས་ཡི་ལྷ་མོ་ལྷག་གནས་པ། །ཕྱག་རྒྱ་བཅས་ཤིང་མཆོད་གྱུར་བས། །བསྐྱེད་ཅིང་བསྟོད་པ་བརྩམ་པར་བྱ། །ཨོཾ་སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་པའི་
D453.082.0280a06.01ཚུལ་དང་ཁྱད་པར་གྱིས། །ས་དང་ཕ་རོལ་ཕྱིན་པ་ལ། །ལྷ་མོ་ཁྱོད་ནི་དབང་དུ་གྱུར། །ཤཱཀྱ་སེང་གེ་སྐྱོབ་པ་ཡིས། །དཔའ་བོ་བྱང་ཆུབ་ཤིང་དྲུང་དུ། །མི་བཟད་བདུད་ཀྱི་སྡེ་བཅོམ་ལྟར། །དེ་བཞིན་བདག་གིས་བདུད་ཀྱི་སྡེ། །ཕམ་པར་བྱ་ཕྱིར་བླ་མེད་པའི། །རྒྱལ་
D453.082.0280a07.01