完整藏文原文 · 德格版页 当前仅加载第 82 函德格 289b 版页；藏文 NFD、目录标记与异常页序保留在来源切片中，重复版页行以稳定序号区分。
མགྲིན་པའི་གནས་སུ་སྐྱེས་པ་ཡི། །རྩ་ཡི་ཡན་ལག་འབྱུང་བ་ལས། །རྡོ་རྗེ་རིན་ཆེན་པདྨ་དང་། །ལས་ཀྱི་རིགས་ལས་བྱུང་བ་ཡི། །སེམས་དཔའ་བཞི་བཞིར་ཡང་དག་འབྱུང་། །དེ་ཉིད་རྣལ་འབྱོར་རྒྱུད་དུ་བསྟན། །ལྟེ་བར་མངོན་པར་འབྱུང་བ་ཡི། །རྩ་ཡི་
D453.082.0289b01.01ལྗོན་ཤིང་འདབ་རྒྱས་པ། །རྡོ་རྗེ་རིགས་ཀྱི་ཕོ་ཉ་མོ། །དྲུག་ཅུ་རྩ་བཞིར་འབྱུང་བའོ། །སྤྱི་བོའི་གནས་སུ་སྐྱེས་པ་ཡི། །ཚུལ་ནི་ཡང་དག་སུམ་ཅུ་གཉིས། །མཁའ་གྲོས་སུམ་ཅུ་རྩ་གཉིས་དག །ཡུལ་དང་ཡུལ་དུ་འབྱུང་བ་ཡིན། །ནང་དུ་དབུ་མའི་ཁོང་
D453.082.0289b02.01སྟོང་དུ། །དུ་བ་ལྟ་བུའི་སྣང་བ་འཆར། །དེ་ལས་རྣམ་པར་མངོན་གྱུར་པས། །གནོད་པ་སྲ་བའི་སྐྱོན་བྲལ་ཏེ། །རྩིག་པ་དག་ལ་མི་རྡུག་སྟེ། །བར་སྣང་བཞིན་དུ་ཐོགས་པ་མེད། །ནང་དུ་དབུ་མར་རང་བྱུང་བའི། །སྨིག་རྒྱུ་ལྟ་བུ་འཆར་བ་ནི། །བརྟན་
D453.082.0289b03.01པས་ལུས་ལ་དབང་ཐོབ་བྱེད། །ཆུ་ལ་ས་བཞིན་བྱ་བ་ལ། །ངེས་པ་ཉིད་དུ་མངོན་པར་འབྱུང་། །ཀུན་འདར་མ་ཡི་སྟོང་པ་དེར། །འབྱུང་པ་མེ་ཡི་རང་བཞིན་ལས། །སྲིན་བུ་མེ་ཁེར་མཐོང་གྱུར་པ། །འབར་བ་དེ་ཉིད་བརྟན་པ་ལས། །བསྲེགས་ཀྱང་
D453.082.0289b04.01མི་འཚིག་གྲོགས་སུ་འཆར། །བརྒྱལ་བར་གྱུར་པའི་བདེ་བར་འགྱུར། །དབུ་མའི་ཁང་པའི་མཐོངས་སུ་ནི། །མར་མེ་འབར་བ་གང་གིས་མཐོང་། །ཕྱི་ནང་རྟེན་འབྲེལ་འཛོམ་པ་ན། །སྣ་ཚོགས་རླུང་གི་སྟོབས་ཆེན་གྱིས། །བསྐྱོད་པར་མི་ནུས་ཕྲིན་
D453.082.0289b05.01ལས་ཏེ། །གལ་ཏེ་མྱུར་བར་ཡེ་ཤེས་འགྲོ། །གལ་ཏེ་ཨ་བ་དྷཱུ་ཏཱིའི་ནང་། །གཞལ་ཡས་ཡེ་ཤེས་དག་པ་དེར། །ཐམས་ཅད་ནམ་མཁའ་ལྟ་བུ་ཡི། །སྟོང་པ་ཉིད་དུ་འཆར་བ་ལ། །ཡེ་ཤེས་སྤྲིན་མེད་ནམ་མཁའ་ལྟར། །ཆགས་མེད་མཁའ་ལ་
D453.082.0289b06.01ལྡིང་བར་འགྱུར། །བུ་ག་དགུ་ནས་རྒྱུ་བའི་རླུང་། །རྣལ་འབྱོར་པས་ནི་མཉམ་ཟིན་པས། །བྱུང་བ་སྤངས་པས་གནས་པ་ཉིད། །དེ་ཚེ་དྲི་ཆེན་དྲི་ཆུ་དང་། །ངར་སྣབས་མི་འབྱུང་སྟོབས་སུ་འགྱུར། །སྐུ་ཡི་རྡོ་རྗེའི་རྟགས་ཡིན་ནོ། །གང་དུ་ལུས་ཀྱི་འབྱུང་བ་
D453.082.0289b07.01