完整藏文原文 · 德格版页 当前仅加载第 82 函德格 105a 版页；藏文 NFD、目录标记与异常页序保留在来源切片中，重复版页行以稳定序号区分。
པ་རང་འབྱུང་ངོ་བོ་ཉིད། །སྣ་ཚོགས་ཆོས་ཉིད་གཅིག་པ་ལས། །ཀུན་དུ་ཁྱབ་པ་དགའ་བའི་གཟུགས། །རང་བཞིན་སངས་རྒྱས་རྡོ་རྗེའི་སྐུ། །སྤྲོ་བསྡུའི་སྤྲིན་གྱིས་ཀུན་ཏུ་ཁྱབ། །ཕྱོགས་བཅུ་འོད་ཀྱི་ཕྲེང་བ་ཡི། །སྣང་བས་རྒྱས་པ་འཕྲོ་
D453.082.0105a01.01ཞིང་འཁྲུགས། །གསལ་དང་གསལ་མིན་གཉིས་ལྡན་པའི། །རིན་ཆེན་པདྨའི་ཕྲེང་ལྡན་པས། །ཕྱོགས་རྣམས་ཀུན་དུ་དུས་གསུམ་གྱི། །སངས་རྒྱས་རྣམས་ཀྱི་སྤྱོད་ཡུལ་ཆེ། །རིགས་ལྔར་འབྱུང་བ་རྣམས་དང་ནི། །ཕྱོགས་ཀྱི་དབྱེ་བས་གནས་པ་
D453.082.0105a02.01ཡི། །ལྷ་རྣམས་ཐམས་ཅད་འབྱུང་བ་ནི། །ཡང་དག་ཏིང་འཛིན་དབྱེ་བ་ཡིས། །ཞེ་སྡང་གཏི་མུག་འདོད་ཆགས་དང་། །ཡིད་བཞིན་ནོར་བུའི་དམ་ཚིག་སྟེ། །རིགས་ལྔར་གྱུར་པ་འདི་དག་གིས། །འདོད་དང་ཐར་པ་རབ་བསྒྲུབས་པས། །དཀྱིལ་
D453.082.0105a03.01འཁོར་ཡོངས་སུ་རྫོགས་པར་འགྱུར། །དག་དང་མ་དག་གྱུར་པ་རྣམས། །འདིར་ནི་རིགས་ལ་གནས་པ་སྟེ། །རགས་དང་ཕྲ་བའི་ཆ་བརྟེན་པས། །ལུས་སེམས་ཆོས་ནི་རབ་ཏུ་དབྱེ། །ལུས་ནི་ནམ་མཁའ་ལྟ་བུ་སྟེ། །སེམས་ནི་སྒྱུ་མའི་རྣམ་པར་འབྱུང་། །
D453.082.0105a04.01ངག་ནི་བྲག་ཅ་ལྟ་བུ་སྟེ། །དབྱེར་མེད་རྡོ་རྗེ་ལྷན་ཅིག་སྐྱེས། །རྟེན་དང་བརྟེན་པ་དབྱེར་མེད་པས། །ཐམས་ཅད་ཆོས་ཉིད་སེམས་ལ་གནས། །སེམས་ཅན་སངས་རྒྱས་གཉིས་སུ་བཏགས། །སྣོད་བཅུད་སྣང་བའི་ཡུལ་རྣམས་དང་། །བརྟན་གཡོ་ཁམས་
D453.082.0105a05.01གསུམ་རང་རིག་པ། །སྲིད་གསུམ་མ་ལུས་ཆོས་ཉིད་དེའི། །སྣང་བ་གཟུགས་དང་སྒྲ་ལ་སོགས། །དྲི་དང་རོ་དང་རེག་བྱ་དང་། །ཐམས་ཅད་ཆོས་ཉིད་བག་ཆགས་འབྱུང་། །རྒྱུ་ལས་འབྲས་བུ་བསྐྱེད་པའི་ཕྱིར། །གཅིག་ལས་དུ་མའི་ཆོས་ཀུན་ཤར། །
D453.082.0105a06.01དུ་མ་ཉིད་དུ་དམིགས་མེད་དེ། །ཐམས་ཅད་སྟོང་ཕྱིར་མ་སྐྱེས་པའོ། །དེ་སྐད་ཅེས་གསུངས་པ་དང་། དེ་ནས་དེ་བཞིན་གཤེགས་པ་དེ་དག་ཐམས་ཅད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ལ་སོགས་པ་རྣམས་རབ་ཏུ་དགའ་ཞིང་
D453.082.0105a07.01