完整藏文原文 · 德格版页 当前仅加载第 82 函德格 225a 版页；藏文 NFD、目录标记与异常页序保留在来源切片中，重复版页行以稳定序号区分。
མཁའ་འདྲ་སྟེ། །སྤོང་བ་མེད་པའི་ཉེར་ཞི་བ། །བྱང་ཆུབ་ཚུལ་འདི་བསྟན་པོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ང་རོ་དཔག་མེད་སངས་རྒྱས་ཐམས་ཅད་ཀྱི་ཀུན་རྫོབ་དག་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་
D453.082.0225a01.01གསུངས་སོ། །གྲུབ་པ་མེད་པའི་སྣང་བ་ཙམ། །རྟེན་འབྲེལ་ཙམ་དུའང་གང་སྐྱེས་པ། །ཆོས་རྣམས་དབང་པོའི་གཞུ་མཚུངས་པར། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཤིན་ཏུ་ཐུགས་བཞུགས་པ་སངས་རྒྱས་ཐམས་ཅད་ཀྱི་བཀོད་
D453.082.0225a02.01བའི་རྣམ་པར་ཐར་པ་ལ་འཇུག་པ་རྡོ་རྗེའི་ཏིང་ངེ་འཛིན་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །རྒྱལ་བ་བླ་མེད་བྱང་ཆུབ་པའི། །འདི་ཡོད་པས་ནི་འདི་འབྱུང་ལ། །འདི་མེད་པས་ན་འདི་མི་འབྱུང་། །བསྟན་པ་དེ་ཉིད་ཚུལ་བསྟན་པའོ། །ཞེས་གསུངས་སོ། །
D453.082.0225a03.01དེ་ནས་དེ་བཞིན་གཤེགས་པ་དོན་དགོངས་གཏི་མུག་བྲལ་བ་སངས་རྒྱས་ཐམས་ཅད་ཀྱི་མཚུངས་པ་མེད་པའི་ཐེག་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །རྒྱུ་མེད་རྒྱུ་ནོར་མ་ཚང་དང་། །ལོག་པའི་དོན་དང་ངན་པ་སྤངས། །ཚོགས་པ་གཅིག་
D453.082.0225a04.01བར་མ་གྲུབ་ལ། །འབྱུང་བ་མེད་ཕྱིར་རྟེན་འབྲེལ་བསྟན། །ཞེས་གསུངས་སོ། །དེ་ནས་དེ་བཞིན་གཤེགས་པ་དབྱངས་ཀྱི་ཡན་ལག་སངས་རྒྱས་ཐམས་ཅད་ཀྱི་རྣམ་པར་རོལ་པའི་ཡེ་ཤེས་རྡོ་རྗེའི་ཏིང་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །རྒྱུ་ལས་
D453.082.0225a05.01སྐྱེས་ཤིང་རྐྱེན་གྱིས་བསྐྱེད། །གཞི་ལ་གནས་ཤིང་འབྲས་བུར་གྲུབ། །སྲིད་ཞི་མཚུངས་ཕྱིར་བསྟན་པ་ཡིན། །བྱང་ཆུབ་དེ་ཉིད་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཁྱད་པར་དུ་འཕགས་པ་ཐུབ་པ་སངས་རྒྱས་ཐམས་ཅད་ཀྱི་ཡེ་ཤེས་མངོན་པར་འབྱུང་བ་
D453.082.0225a06.01རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །བརྟག་ན་དབེན་ཞིང་དོན་བྱེད་ནུས། །མཐུན་པར་སྣང་ལ་རྐྱེན་ལས་བསྐྱེད། །ཀུན་རྫོབ་ཆོས་ཀུན་མཚན་ཉིད་དེ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་
D453.082.0225a07.01