完整藏文原文 · 德格版页 当前仅加载第 82 函德格 168a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཉིད་གསང་བའི་ཚུལ་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་འཚོ་བྱེད་གསུང་བ་སངས་རྒྱས་ཐམས་ཅད་ཀྱི་ཕྲིན་ལས་རྡོ་རྗེ་རྗེས་སུ་དྲན་པ་སངས་རྒྱས་ཐམས་ཅད་ཀྱི་སྟོབས་བཟང་བའི་ཏིང་ངེ་འཛིན་ལ་སྙོམས་པར་ཞུགས་ཏེ་
D453.082.0168a01.01བྱང་ཆུབ་ཀྱི་སེམས་འདི་གསུངས་སོ། །གང་དུ་སྣ་ཚོགས་དབང་པོའི་རིམ། །དེ་ཉིད་ཐབས་ཚུལ་ཐ་དད་པས། །ལྡོག་པའི་དབྱེ་བ་དུ་མར་བསྟན། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ན་ཚོད་བཟང་པོ་སངས་རྒྱས་ཐམས་ཅད་ཀྱི་ཏིང་ངེ་
D453.082.0168a02.01འཛིན་གྱི་སྒོ་མཐའ་ཡས་པ་ལ་འཇུག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །རིགས་ཅན་སྣ་ཚོགས་དུ་མའི་སྣང་བ་ལ། །ཡེ་ཤེས་རང་འབྱུང་འགག་པ་མེད་པར་ནི། །ཐུགས་རྗེ་ཆེན་པོ་མི་ཟད་སྟོབས་ལ་འབྱུང་། །སངས་རྒྱས་
D453.082.0168a03.01ཀུན་གྱི་ཕྲིན་ལས་ཚུལ་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ལེགས་པའི་ཚོགས་ཅན་སངས་རྒྱས་ཐམས་ཅད་ཀྱི་ཁྲོ་བོ་རྗེས་སུ་དྲན་པ་རྡོ་རྗེ་ཞེས་བྱ་བའི་ཏིང་ངེ་འཛིན་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །གང་དུ་གདུག་པ་
D453.082.0168a04.01འདུལ་བྱེད་པ། །འབྱུང་པོ་མ་ལུས་ཙར་གཅད་ཅིང་། །རྗེས་སུ་གཟུང་ཕྱིར་ཁྲོ་བར་བསྟན། །དེ་ཉིད་ཐུགས་རྗེའི་ཚུལ་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་རྣམ་པར་ངེས་པའི་བློ་གྲོས་སངས་རྒྱས་ཐམས་ཅད་ཀྱི་སེམས་ཅན་རྗེས་སུ་དྲན་པར་ཞེས་བྱ་བའི་ཏིང་ངེ་
D453.082.0168a05.01འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །གང་དུ་དམིག་པས་འཇུག་མེད་པར། །སྣ་ཚོགས་ཁམས་གསུམ་སྐྱེ་གནས་པ། །མི་གཡོ་ངག་ལས་སྣང་མེད་པར། །ཆོས་དབྱིངས་གཅིག་པར་ཚུལ་བསྟན་པའོ། །ཞེས་གསུངས་སོ། །
D453.082.0168a06.01དེ་ནས་དེ་བཞིན་གཤེགས་པ་སྲིད་མཐའ་ནོར་བུའི་སྤོས་སངས་རྒྱས་ཐམས་ཅད་ཀྱི་མ་སྐྱེས་པ་རྗེས་སུ་དྲན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །གང་གི་སྐྱེ་བས་བསྡུས་པའི་དངོས། །སྟོང་ཉིད་གཅིག་ཏུ་མ་སྐྱེས་པས། །སྐྱེ་བ་
D453.082.0168a07.01