完整藏文原文 · 德格版页 当前仅加载第 82 函德格 293b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་འབྱུང་བ་ཡི། །ཉེ་བར་འཚེ་བའི་གནོད་པ་དག །བལྟས་པ་ཙམ་གྱིས་ཞི་བ་ཡི། །རང་སེམས་གཉུག་མའི་ཤོས་པ་ལ། །དབང་ཐོབ་རྡོ་རྗེའི་སྟོབས་གྱུར་པས། །འབྱུང་བའི་སྐྱེ་མཆེད་ཟིལ་ནོན་ཕྱིར། །ལས་ཚོགས་ཐམས་ཅད་ངེས་བར་འགྲུབ། །
D453.082.0293b01.01བྱང་ཆུབ་སེམས་ནི་རྗེས་དྲན་ཞིང་། །ཕ་རོལ་གནོད་བྱེད་གྱུར་པ་ཡི། །སྲིན་མོ་ཤ་ཟ་གཏུམ་མོ་དང་། །འབྱུང་པོ་དག་གིས་གནོད་པར་བཅས། །དེ་དག་ཀུན་ལ་དཔའ་པོ་ཡི། །རྡོ་རྗེ་སེམས་ཀྱིས་རབ་སྦྱར་ན། །གནོད་པར་ནུས་པ་མ་ཡིན་ཏེ། །མེ་དང་
D453.082.0293b02.01ཆུ་དང་གཅན་གཟན་དང་། །རྒྱལ་པོའི་ཆད་པ་མི་རྒོད་དང་། །སེང་གེ་གླང་པོ་སྲིན་པོ་སྟེ། །འཇིགས་པ་བརྒྱད་སོགས་མི་འབྱུང་བྱེད། །སངས་རྒྱས་དཀྱིལ་འཁོར་རྡོ་རྗེ་ཅན། །ནམ་མཁའི་དབྱིངས་ཀྱི་དབུས་གནས་པའི། །ཁྲོ་བོའི་རྒྱལ་པོ་གཤིན་རྗེ་གཤེད། །
D453.082.0293b03.01ཞལ་གསུམ་ཕྱག་དྲུག་སྦྲུལ་གྱིས་བརྒྱན། །སྐུ་མདོག་ནག་པོ་འབར་བའི་སྐུ། །རང་གི་ཡུམ་དང་གཉིས་མེད་པ། །རང་གི་འཁོར་ལོའི་དབུས་གནས་པས། །ཨོཾ་ཡ་མཱནྟ་ཀྲྀཏ་ཧཱུྃ་ཧཱུྃ་ཕཊ་སྭཱ་ཧཱ། འདིས་ནི་རྡོ་རྗེ་ཅན་གྱི་བཀའ། །དཀྱིལ་འཁོར་ཀུན་གྱི་ལས་
D453.082.0293b04.01རྣམས་ལ། །མ་ལུས་འགྲུབ་པར་བྱེད་པ་ཡི། །གསང་བ་ཉེ་བར་འགྲུབ་པ་ཡིན། །དེ་ནས་བཅོམ་ལྡན་དམ་ཚིག་ཆེ། །རྡོ་རྗེ་ཁྲོ་བོ་ཞེས་བྱ་བའི། །ཏིང་ངེ་འཛིན་ལ་སྙོམས་ཞུགས་ནས། །ཁྲོ་བོའི་ཚོགས་རྣམས་མ་ལུས་པ། །ཀུན་དུ་སྐྲག་པར་བྱེད་པ་ཡི། །
D453.082.0293b05.01རྡོ་རྗེ་ཁྲོ་བོ་འཇིགས་བྱེད་པ། །ཉིད་ཀྱི་སྐུ་གསུང་ཐུགས་ལས་ཕྱུང་། །ཁྲོ་བོ་ཐོད་པའི་ཕྲེང་བ་ཅན། །ཁ་དོག་ནག་པོ་འཇིགས་ཆེན་པོ། །བདུད་དང་ལོག་འདྲེན་མ་རུངས་པ། །གང་གིས་གདུལ་དཀའ་འདུལ་མཛད་པ། །མེ་སྲིན་མ་ཧེའི་ཞལ་ཕྱུང་ཞིང་། །
D453.082.0293b06.01གཙིགས་པ་ཁྲག་འཛག་ཁ་དོག་དམར། །སྟེང་དུ་མངོན་པར་ཕྱུང་བ་དང་། །དབང་ཕྱུག་བརྒྱད་དང་ལྡན་པའི་སྐུ། །རིགས་ཀྱི་ཞལ་དྲུག་འབར་བ་མངའ། །བཅུ་དྲུག་ཞབས་ཀྱིས་གཤིན་རྗེ་གནོན། །དེ་ཕྱིར་འཇིགས་བྱེད་ཆེན་པོར་བརྗོད། །ཚངས་པའི་རྒྱལ་
D453.082.0293b07.01