完整藏文原文 · 德格版页 当前仅加载第 82 函德格 269b 版页；藏文 NFD、目录标记与异常页序保留在来源切片中，重复版页行以稳定序号区分。
པར་མཛད་དོ། །གསང་བ་འདི་རབ་ཏུ་བསྟན་པ་ན་དེའི་ཚེ་དེའི་དུས་ན་དེ་ནས་བྱང་ཆུབ་སེམས་དཔའ་སངས་རྒྱས་ཀྱི་ཞིང་ཆེན་པོ་བཅུ་དྲུག་གི་སེམས་དཔའ་རྣམས་ཀྱི་དེ་བཞིན་གཤེགས་པའི་འོད་ཟེར་གྱི་སྙིང་པོ་སྒྲོན་མའི་ཏིང་ངེ་འཛིན་ལ་སོགས་པ་དུ་མ་ཐོབ་བོ། །བྱང་ཆུབ་སེམས་དཔའ་
D453.082.0269b01.01ཆེན་པོ་ཞིང་བྱེ་བ་ཕྲག་བརྒྱད་ཀྱི་བྱང་ཆུབ་སེམས་དཔས་གནས་པས་ནི་ཡེ་ཤེས་རྒྱ་མཚོ་མཚུངས་པ་མེད་པ་ལ་སོགས་པའི་ཏིང་ངེ་འཛིན་དུ་མ་མངོན་པར་ཐོབ་བོ། །རྣལ་འབྱོར་གྱི་དབང་ཕྱུག་ཆེན་པོ་བྱེ་བ་ཕྲག་བརྒྱད་ཅུའི་གྲངས་དེ་སྙེད་ཀྱང་གསང་བ་ཆེན་པོ་རྡོ་རྗེའི་ཚུལ་གྱི་ཏིང་ངེ་འཛིན་གྱི་
D453.082.0269b02.01ངང་ལས་སྐད་ཅིག་རེ་རེས་མངོན་པར་རྫོགས་པར་བྱང་ཆུབ་པ་ཐོབ་པར་གནས་པར་གྱུར་ཏོ། །དེ་ནས་བྱང་ཆུབ་སེམས་དཔའ་ཀུན་དུ་བཟང་པོས་གསང་བ་ཉེ་བར་བསྡུ་བའི་དོན་དུ་གསོལ་བ། སངས་རྒྱས་རྣམས་ཀྱི་གཟུགས་སྐུ་མཐའ་ཡས་པ། །རྒྱལ་བའི་སྙིང་པོ་ཡེ་ཤེས་སྐུ་གཅིག་
D453.082.0269b03.01ཏུ། །རྣམ་པར་ཕྱེད་པ་འོད་གསལ་བ་ཡི་གནས། །གསང་བ་ཆེན་པོའི་གནས་འདིར་མངོན་སངས་རྒྱས། །གང་དུ་སེམས་ཉིད་བྱང་ཆུབ་མཆོག་གྱུར་བ། །འདྲེན་པ་ཆོས་ཀྱི་རྒྱལ་པོ་ཚུལ་འདི་ཡིན། །ཞེས་སྨྲས་པ་དང་། སངས་རྒྱས་དང་བྱང་ཆུབ་སེམས་དཔའ་དེ་དག་མ་
D453.082.0269b04.01ལུས་པའི་ཐུགས་ཡི་རངས་ཤིང་། རབ་ཏུ་དགའ་བས་རྒྱས་པར་གྱུར་ཏོ། །དེ་ནས་བཅོམ་ལྡན་འདས་རྡོ་རྗེ་འཛིན་པ་ཆེན་པོས་བླ་ན་མེད་པའི་ཡོངས་སུ་འདུས་པའི་འཁོར་གྱི་དཀྱིལ་འཁོར་རྣམས་ལ་གཟིགས་ཏེ་བཀའ་སྩལ་པ། གསང་བ་ཆེན་པོ་བསྟན་པའི་དཀྱིལ་འཁོར་
D453.082.0269b05.01འཁོར་ལོ་འདི་ལྟ་སྟེ། ཐུན་མོང་དུ་གྱུར་པའི་བཀོད་པའི་དཀྱིལ་འཁོར་དང་། ཁྱད་པར་ཡོངས་སུ་རྫོགས་པའི་དཀྱིལ་འཁོར་དང་། མཆོག་ཏུ་གསང་བ་ཐབས་ཀྱི་དཀྱིལ་འཁོར་རོ། །ཡང་དེ་ཉིད་ལས་བྱུང་རྒྱ་ཆེར་སྟོན་པ་དང་། །ཟབ་མོ་དང་ནི་བླ་མེད་ཚུལ་མཆོག་སྟེ། །ཕྱི་
D453.082.0269b06.01ནང་གསང་བ་དེ་ཉིད་ཡེ་ཤེས་ཀྱི། །དཀྱིལ་འཁོར་ཚད་མེད་འདིར་ནི་བསྟན་པ་ཡིན། །དེ་ལ་དེ་བཞིན་གཤེགས་པ་སྟོང་དག་གི། །སྐུ་ཡི་དཀྱིལ་འཁོར་སྤྲོ་དང་སྡུད་པ་དང་། །གསུང་གི་དཀྱིལ་འཁོར་གསང་སྔགས་འབུམ་ཕྲག་སྟེ། །ཐུགས་ཀྱི་དཀྱིལ་འཁོར་ཡེ་ཤེས་ལྔར་
D453.082.0269b07.01