完整藏文原文 · 德格版页 当前仅加载第 82 函德格 319b 版页；藏文 NFD、目录标记与异常页序保留在来源切片中，重复版页行以稳定序号区分。
པ་འཛིན་པའི་རྒྱལ་པོ་ཀུན། །རབ་ཏུ་འདར་བར་གྱུར་ནས་ནི། །ཡེ་ཤེས་རྒྱལ་པོ་རྗེས་སུ་དྲན། །རིག་པ་འཛིན་པའི་ལྷ་མོ་མཆོག །གསེར་གྱི་རྣ་ཆ་གཡོན་པ་རྣམས། །སྔགས་ཀྱི་རིག་པ་འདི་དང་ནི། །དམ་ཚིག་ལ་སོགས་པས་བཀུག་བྱ། །གང་དུ་ཕྲིན་ལས་མ་ལུས་
D453.082.0319b01.01པ། །གསང་བ་མཆོག་ཏུ་བསྒྲུབ་པ་ནི། །འགོག་པའི་རྒྱལ་པོ་རྡོ་རྗེ་འཛིན། །ཡོངས་སུ་རྫོགས་པ་མཛེས་མཆོག་གིས། །ཡེ་ཤེས་རྡོ་རྗེ་གསུམ་ལས་འབྱུང་། །ཀུན་ནས་དེ་མ་ཐག་ཏུ་འགྱུར། །དེ་ནས་བཅོམ་ལྡན་འདས་ཀུན་ནས་དབྱངས་ཞེས་བྱ་བའི་ཏིང་ངེ་འཛིན་ལ་
D453.082.0319b02.01སྙོམས་པར་ཞུགས་ནས་རྡོ་རྗེ་ཆེན་པོའི་བསྒོམ་པའི་དམ་ཚིག་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ཙུྃ་ཨོཾ་མ་ཧཱ་བིདྱཱ་དྷ་ར་ཙ་ལི་ཙུ་ལི་ཙུནྟ་ལེ་ཛྙཱ་ན་བི་ཤུད་དྷ་སརྦ་དྷ་རྨཱ་བུདྡྷེ་སྭཱ་ཧཱ། །ཉི་མའི་དཀྱིལ་འཁོར་དམ་པ་ནི། །ནམ་མཁའི་རྡོ་རྗེའི་དབུས་སུ་བསམ། །ཀུན་
D453.082.0319b03.01ནས་འབར་བའི་ཡེ་ཤེས་སྤྱན། །སངས་རྒྱས་སྤྲིན་གྱི་ཆོ་ག་ཡིས། །རྡོ་རྗེ་གསུམ་གྱི་གནས་ཆེན་ནི། །ལུས་དང་ངག་དང་སེམས་ལ་དབབ། །ལྷ་མོ་སྐུལ་བྱེད་རྡོ་རྗེ་བསམ། །ཞལ་གསུམ་པ་ལ་ཕྱག་དྲུག་མ། །དང་པོ་གཉིས་ཀྱིས་རྡོ་རྗེ་དང་། །པདྨ་འབར་བ་བསྣམས་
D453.082.0319b04.01པའོ། །རིན་ཆེན་ནོར་བུ་རྡོ་རྗེ་སྤྲིན། །ཟླ་བ་ཆུ་ཤེལ་འབར་བ་དང་། །ཕྱག་གཞན་རྣམས་ཀྱིས་འཛིན་པར་མཛད། །རྒྱན་རྣམས་ཐམས་ཅད་ཡོངས་རྫོགས་པ། །རྡོ་རྗེ་སེམས་དཔའ་རྒྱལ་པོ་ཆེ། །བསམས་ལ་སྔགས་ཀྱི་ཡི་གེ་དགོད། །ནད་རྣམས་མ་ལུས་ཞི་བྱེད་པ། །
D453.082.0319b05.01གསང་བ་ཡེ་ཤེས་རྒྱ་མཚོ་ཉིད། །བདེ་བ་མཆོག་ཏུ་བསམ་པར་བྱ། །འདི་ན་ཞི་བའི་ལས་བསྒྲུབ་པ། །གསང་བ་ཉེ་བར་བསྡུས་པའོ། །རྡོ་རྗེའི་དམ་ཚིག་ཡེ་ཤེས་ཀྱི། །འོད་ཅེས་བྱ་བའི་ཏིང་འཛིན་ཏོ། །དེ་ནས་བཅོམ་ལྡན་འདས་ཕྱག་ན་རྡོ་རྗེ་དེ་བཞིན་གཤེགས་པ་དཔའ་བོ་
D453.082.0319b06.01རྡོ་རྗེ་དེ་བཞིན་གཤེགས་པས་རྡོ་རྗེ་བསམ་གཏན་གྱི་དམ་ཚིག་གི་མཆོག་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །བཱི། ཨོཾ་ཨ་བཛྲ་ཡཀྵ་གརྦྷ་ཡ་རཏྣ་དྷྲྀཀ་ཕཊ་སྭཱ་ཧཱ། །སངས་རྒྱས་དཀྱིལ་འཁོར་འོད་བཟང་པོ། །ནམ་མཁའ་དབྱིངས་ཀྱི་དབུས་སུ་བསམ། །
D453.082.0319b07.01