完整藏文原文 · 德格版页 当前仅加载第 82 函德格 319a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་འདི་གསུངས་སོ། །ཨོཾ་བཛྲ་ཨེ་ཀ་ཛ་ཊི་ཁུ་ལི་ནི་སྭཱ་ཧཱ། །རྡོ་རྗེ་རལ་པ་གཅིག་མ་ཡི། །གསང་བ་ཡེ་ཤེས་རང་བྱུང་བས། །ཞལ་གསུམ་པ་ལ་ཕྱག་དྲུག་མ། །ཁ་དོག་མཐིང་ནག་འབར་མ་ཆེ། །གཡས་གཡོན་དཀར་དང་དམར་བའི་མདངས། །གྲི་གུག་ཐོད་
D453.082.0319a01.01པ་འཛིན་པར་མཛད། །རྡོ་རྗེ་དང་ནི་ཐོད་དབྱུག་ནི། །གཡས་པའི་ཕྱག་ཏུ་བསྣམས་པར་བསྒོམ། །དྲིལ་བུ་རྡོ་རྗེའི་ཞགས་པ་ནི། །གཡོན་པའི་ཕྱག་ཏུ་བསྣམས་པར་བསྒོམ། །རིན་ཆེན་སྣ་ཚོགས་ཀྱིས་བརྒྱན་པ། །ཤིན་ཏུ་སྒེག་ཅིང་འགྱིང་བར་བསམ། །འདི་ནི་ཀླུ་ཡི་བུ་མོ་རྣམས། །
D453.082.0319a02.01རབ་ཏུ་འགུགས་པའི་མཆོག་གྱུར་པ། །ས་གཡོ་བ་ཡི་དུས་སུ་ནི། །གསང་སྔགས་འདི་ནི་བརྗོད་པར་ཤེས། །དེ་ནས་འདི་ནི་གསུངས་ཙམ་གྱིས། །ཀླུ་ཡི་བུ་མོ་མཐུ་ཆེན་རྣམས། །ཚིག་པར་གྱུར་ཅིང་གོས་དང་བྲལ། །སངས་རྒྱས་བྱང་ཆུབ་རྗེས་སུ་དྲན། །གསང་སྔགས་
D453.082.0319a03.01རིག་པ་འདི་ཡིས་ནི། །ཀླུ་རྣམས་འགུགས་པའི་མཆོག་ཏུ་འགྱུར། །ཀླུ་ཡི་བུ་མོ་མིག་{བཟངས་,བཟང་}རྣམས། །བཀུག་ནས་ཉེ་བར་སྤྱད་པར་བྱ། །དེ་ནས་བཅོམ་ལྡན་འདས་ནམ་མཁའི་དམ་ཚིག་འབྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཆོས་ཆེན་པོའི་དམ་
D453.082.0319a04.01ཚིག་འདི་རྡོ་རྗེ་ཁྲོ་གཉེར་མ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ཨོྃ་སརྦ་བྷ་ཡ་ནཱ་ཤ་ཡ་ཏྲ་ས་ནི་ཏྲ་ས་ཡ་ཏྲ་སེ་ཡཱ་བྷ་ཏ་རི་བྷྲྀ་ཀུ་ཊི་ཏི་དྷི་བྷེ་རེ་ཏཱི་ཥཱི་ཏཱ་ཤེ་ཏ་ཛ་ནི་ཎི་སྭཱ་ཧཱ། །རྡོ་རྗེའི་ལྷ་མོ་ཁྲོ་གཉེར་ཅན། །སྐུ་མདོག་སྔོ་ལྗང་དངས་པ་ལ། །ཞལ་གསུམ་ཕྱག་དྲུག་སྤྱན་
D453.082.0319a05.01གསུམ་མ། །གཡས་དཀར་གཡོན་དམར་ཅུང་ཟད་ཁྲོས། །དང་པོ་གཉིས་ཀྱིས་བདེ་བར་ནི། །ཐུགས་ཀར་བསྣོལ་བས་འཁོར་ལོ་དང་། །རིན་ཆེན་འབར་བ་འཛིན་པའོ། །རལ་གྲི་དང་ནི་རྩེ་གསུམ་པ། །གཡས་པས་ངེས་པར་འཛིན་པར་མཛད། །སྡིགས་
D453.082.0319a06.01མཛུབ་ཞགས་པ་བུམ་པ་ནི། །གཡོན་དུ་ངེས་པར་འཛིན་པའོ། །རིན་ཆེན་སྣ་ཚོགས་རྒྱན་གྱིས་བརྒྱན། །རྡོ་རྗེ་སྐྱིལ་ཀྲུང་བཞུགས་པར་བསམ། །སྐུ་ལ་འབར་བའི་འོད་འཕྲོ་བས། །གནོད་པ་མ་ལུས་ཞི་བྱེད་བསམ། །འདི་ནི་གསུངས་མ་ཐག་ཏུ་ཡང་། །རིག་
D453.082.0319a07.01